شاركونا بأخباركم! اضغط هنا ...

كعكة الجبنة المخبوزة بالشوكولاطة البيصة من شيرين مرار

محرر الخبر: موقع هسا | تاريخ النشر: 22 ديسمبر, 2018 | القسم: مطبخ هسا

كعكة الجبنة المخبوزة بالشوكولاطة البيصة من شيرين مرار
طريقة القاعدة :
زرف بسكوت بيتي بير اوسم بنطحنهن بالمكسر بنضيف عليهن
100 غرام زبدة مذابة وبنخلطهن كمان مرة بالخلاط .
نحتاج قالب كعك عادي حجم 24 او رينج حسب شو متوفر عندك .
دهني القالب زيت وحطيهن بالقالب ورصيهن بمساعدة معلقة . وحطيها بالثلاجة لحد ما تجهزي الخليط .
اول اشي منشغل الفرن حم 150 مع توربو فوق وتحت ، وبنبلش نجهز بخليط الجبنة
طريقة تحضير الجبنة :
بوعاء نضع كيلو جبنة 5% يعني علبتين حجم 500 غرام .
علبة شمينت عادية 200 غرام
وكاس بلاستيك سكر بنخلطهن كلهن مع بعض مليح وبنخليهن دقيقتين عجنب حتى السكر يتشرب الخليط .
بعدها بنضيف فوقهن فنيل سائل معلقة برش لمون وبنخلط بالخلاط اليدوي مش كهربائي بعدها بنصير نضيف البيض وحده وحده بدون ما نفصلهن ونخلط ” نحتاج 6 بيضات حجم L او 7 بيضات حجم M ”
بعدها بنضيف 3 معالق نشاء ” קורנפלור ” هون لازم نخلط مليح حتى ما يظل حبيبات .
بعدها بنذوب 200 غرام شوكولاطة بيضة مع نص علبة شمينت متوكاه بالمكرو بنخلطهن مليح تا يذوبوا وبنصبهن عالخليط وبنخلط مليح .
الخليط رح يطلع معكم رخو ما تخفن صبينو بالقالب فوق البسكوت .
بعدها فوتيها عالفرن من ساعه حتى ساعه و10 دقائق حسب فرنك طبعا بدون طينية ماء من تحت ولا اشي
اطفي الفرن واطلعيها طواله حطيها عالشايش لحد ما تصير بدرجه حرارة الغرفة لمى تطلعيها بتكون رخوة ما تخفن رح تتماسك بالثلاجة المهم ما تكون سائله .
بس تبرد فوتيها عالثلاجه اقل اشي 4 ساعات او ليلة كاملة افضل انا خليتها 7ساعات .
لمى نطلعها ممكن يكون عليها زي مي نشفنها بورق المطبخ شوي شوي ما تخفن بهمش .
وزيننها بشوكولاطة بيضة ذوبنها حمام مائي وزيننها انا خلصت من عندي زينتها شوكولاطة عادية بس انا بنصح نزينها بشوكولاطة بيضة احلى
والف صحه وهنا

108

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.

التعليقات (8)

    • اذا كان القالب رينج نعم يجب ان نغلفة بورق زبدة ثم بورق القصدير ولكن اذا استعملتي قالب عادي لا تحتاجين الى تغليفة القالبين صالحات للاستعمال

    • اذا كان القالب رينج نعم يجب ان نغلفة بورق زبدة ثم بورق القصدير ولكن اذا استعملتي قالب عادي لا تحتاجين الى تغليفة القالبين صالحات للاستعمال

  1. ناديه | باقه

    اول اشي تسلم ايدك فناني شيرين ثاني ايشي انا من الناس الي امتابعه مطبخ هسا او صبحان الله بكانفسي تعملو تعليم الطبخ يعني دورات عشان بنتي خاطبي حابب تتعلم الطبخ شكرا

    • اهلا عزيزتي الحمد لله رب العالمين بتوفيق من الله قد تم افتتاح كلية مطبخ هسا لتعليم الطبخ
      في باقة الغربية يمكنها التوجه والتسجيل بالايام القادمة