شاركونا بأخباركم! اضغط هنا ...

اصابع البطاطا من شيرين مرار

محرر الخبر: موقع هسا | تاريخ النشر: 5 نوفمبر, 2018 | القسم: مطبخ هسا

اصابع البطاطا من شيرين مرار
5حبات بطاطا حجم وسط او 6
اسلقيهن مليح لحد ما يستوين قشريهن وامعسيهن مليح .
بتحطي بقلاي او وعاء على النار 5 معالق كبار ماء و5 معالق زيت وخليهن لحد ما يغلين بنحطي 5معالق كبار سميد حركين لحد ما يصرن مثل العجينة
بتديريهن عالبطاطا افرمي شمير او كزبرة حسب الرغبه انا استعملت شمير
حطي ملح فلفل اسود وببريكا وعجنيهن مع بعض مليح
وخليهن يبردن شوي اسهل للاستعمال .
بعد ما يبردن شكليهن شكل اصابع حجم وسط ما تعمليهن طوال كتير حتى ما ينقسمن وحطيهن عصنية فيها نايلون او ورق زبدة وفوتيهن علفريزة اقل اشي ثلث ساعه حتى يتماسكن مليح .
حطي بصحن طحين مع معلقة نشاء
غطيهن بالطحين واقليهن بزيت غميق حار
واقليهن عنار عالية حتى الاحمرار فقط
وبنقدمهن مع صلصة اللبن
طريقة الصلصة :
كاسة ونص لبن
سنين ثومه ممعوسات
ملح حسب الرغبة
شمير مفروم ناعم
بنخلطهن مع بعض وبنقدمهن الف صحه وهنا من شيرين مرار 😍😍

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.