شاركونا بأخباركم! اضغط هنا ...

دجاج محشي بالخضار من شيرين مرار

محرر الخبر: موقع هسا | تاريخ النشر: 1 أكتوبر, 2018 | القسم: مطبخ هسا

دجاج محشي بالخضار من شيرين مرار
طريقة تحضير الحشوة:
راسين بصل كبار مفرومات بنحلوسهن مع زيت زتون حتى يتذلن ضيفي ربع كيلو لحمة عجل مفرومة” او بتقدري جاج شو بتحبي ”
قلبيهن مع بعض مليح ضيفي كاسين رز وقلبي مليح حطي عليهن مراك عوف ملح فلفل اسود بهار دجاج بهار مخلوط حبتين هال ورق غار وقلبيهن مليح ثم ضيفي 4 كاسات ونصف ماء مغلي حركيهن غطيهن ووطي الغاز تحتهن حتى يستوين عالاخر
بعد ما يستوين حركيهن حطي عليهن نعنع ناشف وممكن اضافة نعنع اخضر وبقدونس حسب الرغبة وهيك الحشوة جاهزة .

تحضير الدجاجة :
اغسليها مليح نظفيها من الاوساخ بشكل جيد انقعيها بلمون وخل نصف ساعه وارجعي اغسليها مليح
قشري بطاطا وقسميها قطع كبار وجزر حطيهن مع الدجاج بتحطي عليهن ملح مراك عوف فلفل اسود بهار دجاج بهار ستيك ببريكا تشيلي حريف تشيلي متوك روتف صويا زيت وسنين ثومة وامعكيهن مليح مليح والدجاجه من داخلها امعكيها لبهار مليح قبل لا تحشيها طبعا , بعدها احشي الدجاج بالرز من جميع الاطراف ومن النص واقطبيها بالخيط والابرة او بمساعدة كش الاسنان .
خذي كم حبة فلفل حلو “جامبا ” واحشيهن بعطي طعم كتير طيب للدجاج
بطنجرة الانتيكا او اذا مش متوفرة عندك بايركس بتحطي اول اشي واهم اشي ورق زبدة بالقاع بعدها حطي الدجاجة والبطاطا وصفطي حبات الجامبا حدها
ارجعي غطيها بورق زبدة من فوق وغطيها بغطاء الانتيكا واذا مش متوفرة غطيها بنيار كيسف فوق ورق الزبدة
خليها منقوعه بلبهار ساعه على الاقل بتطلع كتير اطيب واذا مستعجلة فش مشكله تحطيها بالفرن طوالة
حم فوق وتحت على حم 250 وخليها من ساعه وربع لساعه ونص عشان تستوي زي ما لازم والف صحه وهنا من شيرين مرار .

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.