شاركونا بأخباركم! اضغط هنا ...

فخاد مسحبة “برجيت “محشية من شيرين مرار

محرر الخبر: موقع هسا | تاريخ النشر: 23 يونيو, 2018 | القسم: مطبخ هسا

فخاد مسحبة “برجيت “محشية من شيرين مرار :
4 قطع فخاد منقوعات ومغسولات مليح .
بوعاء بحط معلقة مراك عوف ملح فلفل اسود ببريكا حلوة بهار برجيت بهار مشاوي بهار لحمه ثومه ناشفة من كل نوع حسب الحاجه وبحط عليهن زيت ذرة حوالي نصف كاسه بلاستيك وبخلطهن مليح وبعدها بحط قطع البرجيت عليهن وبخلطهن مليح مليح وكمان قشرت كم حبة بطاطا وحطيهن مع قطع البرجيت بالبهار
وكل ما نقعتيهن وقت اطول بطلعن اطيب يعني انقعيهن قبل بساعتين او ثلاث .
بعدها ببلش احشيهن بالرز والفهن واسكرهن بكش الاسنان واحطهن بالبايركس بكون حاطة في ورق خبيز تحتهن حتى ما يلزقن ونتغلب بقيمهن وبس اخلصهن بحط حبات البطاطا معاهن وبرشهن بالسمسم
وبغطي البايركس بورق زبدة وفوقه ورق المنيوم وبدخلهن الفرن المحمى مسبقا حم فوق وتحت اعلى حم بعد ربع ساعه بنزل الحم ل250 وبخليهن بالفرن تقريبا كمان ساعه بعدها بطلعن بفقدهن اذا مستويات بالشوكة واذا مستويات بكشفهن وبرجعهن بس يتحمرن 5 دقايق والف صحه وهنا يا رب
طريقة الرز :
راس بصل كبير مفروم ناعم حلوسي مليح مع الزيت وبتحطي كاسة ونص رز قلبيهن مليح مليح وحطي مراك عوف ملح فلفل اسود بهار مخلوط وبهار رز ورق غار وحب هيل وقلبيهن
وبعدها حطي 4كاسات مي مغليه حركيهن ووطي الغاز عالاخر وغطيهن وخليهن عنار هادية 25 دقيقة حتى يستوي الرز بتقيميهن وافرمي عليهن نعنع وبقدونس وحطي معلقة نعنع ناشف وقلبيهن مع بعض .

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.