شاركونا بأخباركم! اضغط هنا ...

كعكة موس الشوكولاطة من شيرين مرار

محرر الخبر: موقع هسا | تاريخ النشر: 3 يناير, 2018 | القسم: مطبخ هسا

كعكة موس الشوكولاطة من شيرين مرار
الطبقه الاولى :
اول خطوة نحمي الفرن على حم 180 حم فوق وتحت
بيضتين
واحد سكر فنيل
نص كاس سكر
وبنخلطهن مع بعض حتى نحصل على خليط كريمي نضيف
برش ليمون
نصف كاس حليب نصف كاس زيت
معلقتين كاكاو ناشف
معلقتين شوكو افكاه “بودرة”
معلقة نسكافيه ونخلط
ثم نضيف كاس وربع طحين بالتدريج ونخلط ثم نضيف زرف باكينج باودر اذا كان الخليط راخي نضيف القليل من الطحين حتى الحصول على خليط متوسط ليس راخي وليس جامد ندهن القالب حجم 28 بالزيت جيدا ونرشة بالطحين ثم نسكب الخليط وندخلها الفرن 25 دقيقه او حتى الاستواء
وبعد ما تستوي شربتها بكاسة حليب مع معلقة نسكافيه سخنت الحليب وحطيت معلقة نسكافيه وخليتها تبرد عجنب لحد ما استوت الكعكه شربتها فيهن ودخليها الثلاجة حتى تبرد شوي بهاد الوقت جهزي طبقة الموس الاولى
مواد طبقة الموس الاولى :
علبتين شمينت متوقا “كريما للخفق حلوة”
200 غرام شوكو لاطة كراميل او بيضة اي طعم بتحبي
زرف جلاتين واحد
حطي بصحن 3 معالق حليب بارد وضيفي عليهن زرف جلاتين زرف واحد وخليهن لحد ما يجمد تقريبا 10 دقائق ما تحركيهن
بتحطي علبة شمينت متوكاه بوعاء عالغاز وبس يحمى حطي 200 غرام شوكولاطة بيضة او اي طعم بتحبين انا استعملت طعم كراميل بتطفي الغاز وذوبيهن بس يبرد الخليط سخني الجلاتين بالمكرو 15 ثانية فقط لا غير وديري على الخليط وحركي مليح
بتوخدي كمان علبة شمينت متوكاه بتخفقيها بالخلاط لحتى تصير كريما وبعدها بتصيري توخدي قسم وتحطي عخليط الشوكولاطة وتقلبي تقليب لحتى تخلصي الكمية
بتحطي الطبقة فوق الكعكه ودخليها لفريزر ساعه لحتى تتماسك بتجهزي الطبقة الثالثه
مواد الطبقة الثالثة :
علبتين شمينت متوقا “كريما للخفق حلوة”
200 غرام شوكو لاطة مرير
زرف جلاتين واحد
بنجهزها بنفس طريقة الطبقة الثانية بس غيرت الطعم من كراميل لشوكولاطة مرير وبترجعيها علفريزر من ساعتين ل3 حتى تتماسك مليح .وبتطلعيها وزينيها شو بتحبي والف صحه وهنا
من شيرين مرار 😍

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.

التعليقات (2)