شاركونا بأخباركم! اضغط هنا ...

شيخ المحشي “مخشي” من شيرين مرار

محرر الخبر: موقع هسا | تاريخ النشر: 30 ديسمبر, 2017 | القسم: مطبخ هسا

شيخ المحشي “مخشي” من شيرين مرار

المواد :
من 20 حتى 25 حبة كوسا حجم صغير او وسط
نص كيلو لحمة عجل مطحونه
راسين بصل كبار
مراك عوف
ملح
فلفل اسود
بهار مخلوط
بهار لحمة
زيت ذرة
لبن
حبة بطاطا
ماء مغلي
الطريقة :
افرمي البصل بشكل ناعم ومع شويت زيت ذرة عالنار حلوسيهن وحطي عليهن اللحمة وقلبيهن وخليهن يستوين بعد ما تستوي اللحمه بنحط معلقة صغيرة مراك عوف ملح حسب الرغبة الفلفل لبهار المخلوط وبهار اللحمه وبقلبهن مليح مع بعض وبعها بحطهن بصفاي بصفيهن من الزيت
انقري حبات الكوسا واغسليهن مليح واحشيهن بالحشوة لحد الباب يعني عبيهن حشوة وسكرين بقطع من حبة البطاطا بس تخلصي الكمية اقليهن بالزيت الغميق لحد ما يتغير لونهن
بتكوني حاطة مي مغلية بطنجرة عالغاز بتقميهن من القلاي وطوالة حطيهن بالطنجرة الي فيها المي عشان تتخلصي من اللون البني الي بتوخده حبات الكوسا من الزيت اذا ما عملتي هيك رح يقلب لون اللبن لبني لهيك بنحطهن بالمي بس 5 دقائق للتخلص من اللون ونضع الكوسيات بالصفاي ثم نقوم بتحضير اللبن :
حطي بالطنجرة معلقة طحين معلقة مراك عوف وملح حسب الرغبه وهال مطحون شوي وحطي عليهن فنجان مرقة لحمة او مي مغلية خلطيهن ضيفي اللبن وخطي مليح بالمضرب اليدوي وظلي حركيهن عالنار لحد ما يغلى اللبن بدون ما تتركي
وبعد ما يغلى حطيلو مرقة لحمة مغلية واذا بدك مي مغلية اذا فش مرقة بس الاطيب مرقة اللحمه .
وبعدها حطي حبات الكوسا باللبن ووطي الغاز خليهن يغلين مع بعض 10 دقايق والف صحه وهنا .

26001242_1786298828331064_6652278600554515929_n

26056127_1786298781664402_809361584403112173_n

26113791_1786298648331082_8472117195096826520_n

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.