شاركونا بأخباركم! اضغط هنا ...

سيدة من باقة :أطفال من باقة يدمنون على التدخين ومن هو المسؤول, الاهل أم البائعين ؟؟

محرر الخبر: موقع هسا | تاريخ النشر: 28 أكتوبر, 2017 | القسم: أخبار مهمة, الأخبار الرئيسية, باقة الغربية, موضوع نقاش

سيدة من باقة :أطفال من باقة يدمنون على التدخين ومن هو المسؤول, الاهل أم البائعين ؟؟

توجهت سيدة من باقة الغربية برساله مهمة جداً لموقع هسا تتساءل بها عن المسؤولين بإدمان الاطفال على التدخين نترككم مع الرسالة كما وصلت

السلام عليكم ورحمة الله وبركاتة انا سيدة من باقة الغربية اتمنى أن تقوموا بنشر رسالتي لاهميتها من أجل مصلحة أبنائنا
كل يوم الصبح لمى اروح اوصل ابني للمدرسة وكمان بعد انتهاء الدوام لمى اروح اروحوا بشوف ولاد صف سابع وثامن ويمكن اصغر من هيك قاعدين في الطريق وماسكين السيجارة وكأنهم رجال بعمر الثلاثين
وبدون خجل بدخنوا بنص الشارع !!
قلبي بتوجع عليهم وعلى تصرفاتهم بقول لحالي يمكن مش لاقيين حدى يوعيهم ويرشدهم ويمكن اصدقاء السوء وصلوهم لهون
بس اذا فكرنا مليح بالموضوع بنلاقي المسؤولين هم الاهل والبائعين .كيف؟؟
الاهل لازم ينتبهوا مليح لمصروف ولادهم اليوم الدخان غالي ارخص علبة 30 شيقل لهيك الولد ممنوع يكون مصروفة اكثر من 5 او 10 شيقل والافضل انو الطالب يوخذ اكلة من البيت حتى ما يحتاج انو يوخد مصروف
وبخصوص البائعين , احنا بنعرف انو البائعين في باقة الغربية ومدن أخرى ببيعوا دخان للاولاد حتى لو كان طفل بعمر 8 سنوات وما بفكروا حتى يسألوهم لمين الدخان انا أكثر من مرة أكون بسوبر ويدخل ولد عمر 8 او 9 سنين يوخد دخان ويطلع ليش؟؟؟
ليش انت ايها البائع تسمح لحالك انك تكون سبب بادمان طفل على الدخان ؟؟ لو أنت بترفض تبيع للاطفال الدخان احنا كتير رح نقلل من هاي الظاهرة , المفروض تكتب ورقة بالمحل لا يباع الدخال لاشخاص تحت جيل 18 عام ..
ومن هون انا بطالب المسؤولين في بلدنا الحبيب باقة الغربية انوا يتحركوا ويطالبوا جميع المحلات التجارية بعدم بيع الدخان لاشخاص تحت جيل 18 عام والمخالف يدفع غرامه
بتمنى من كل قلبي الاقي شخص عنجد يحرك هاد الموضوع ببلدنا الغالي لو بنطلع مظاهرة او اي طريقة نمنع أطفالنا من هذه الظاهرة المخيفة

اطلت الحديث ولكن القضية مهمه ومخيفة , شكراً لكم .

ملاحظة : موقع هسا يقوم بنشر الرسائل كما ترد على يد اصحابها وهو غير مسؤول عن اي اخطاء املائية

4444

صورة للتوضيح فقط

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.

التعليقات (4)

  1. مواطنه | باقه

    والله يا اختي عين العقل والموضوع لازمو اهميه كبرى اليوم الوضع كل ماعبالو يسوء واعتقد انو السبب والمسؤليه الاولى فقط للاهل كثير في اهمال ودلال وفوضى الله يصلح حال هالامه

  2. ام | باقه

    حكيك صحيح ميه بالميه
    لانو يوم الخميس صورت ولد بعزم علولاد يدخنو
    بس مش سجاير كان اشي ثاني ما بعرف هيه ارجيله والا فيها حشيش والا شو

    ولولاد اغلبهم ما فنسوه وجربو كنهم ربحو كنز
    كانو مكيفين

    لفديو معاي لهسا

  3. سجى | باقه

    كل اللوم على الاهل انا ام لثلاث اولاد لازم نفتح عينينا اكثر على الاولاد اصبح الشارع المدرسه المجتمع مخيف احنا في زمن صعب جدا فالمسؤليه على الاهل اليوم لا المدرسه ولا المجتمع مسؤؤل والتوعيه الدائمه وارشاد الاولاد كل يوم والدعاء لرب العالمين يحفظهم من كل سوء والصاحب ساحب مثل صادق جدا بحب اقول للاهل ساعدوا المعلمين على انضباط اولادكم مش تلوموهم على تصرف تجاه تربيه اولادكم وكأنوا اولادنا ما الهم مثيل للاسف مجتمعنا اصبح ما الو مثيل بسوء الاخلاق