شاركونا بأخباركم! اضغط هنا ...

شابة من المثلث: اهلي يشربون الخمر امامنا, وحجتهم الانبساط وأنا أعاني كثيراً

محرر الخبر: موقع هسا | تاريخ النشر: 2 أغسطس, 2017 | القسم: الأخبار الرئيسية 2, قلوب حائرة

شابة من المثلث: اهلي يشربون الخمر امامنا, وحجتهم الانبساط وأنا أعاني كثيراً

وصلت رساله الى موقع هسا من شابة من منطقة المثلث تشكي الوضع في بيتهم بهذه الكلمات الصادمة والمؤلمة نترككم مع الرساله كما وصلتنا

الرسالة:
انا بدي اكتب علني بعد ما راحت كل محاولاتي بالفشل وبعد ما وصلت لمرحلة اقعد مع حالي ايام لا اراسل صاحباتي ولا اقربائي حتى صلاتي صرت اقصر فيها ومش عارف مع مين احكي ساعدوني افهم الي بشرب مع مرتوا مشروب (مسكر) حرام ومعروف لكل الناس صح ؟؟؟؟؟ طيب شو اعمل اذا اهلي بفوتوا المشروب على الدار ومش شايفين في حرام وحجتهم بدهم ينبسطوا انا بكرا والله بنجن بطلت انام وانا ادور واقرأ واتاكدت انها حرام قطعا شو اعمل مع اهلي وانا شايف اخرتهم مظلمة وهم منكرين الاشي وبدهمش يفهموا انوا حرام وبدهمش يفهموا انوا غلط انا بكرا والله بنجن بنجن بنجن !!!!!!!!!!!!!!!!!!!!!!!! ساعدوني مشان الله مش مشاني مشان ربنا قولولي شو اعمل

ملاحظة : موقع هسا يقوم بنشر الرسائل كما ترد على يد اصحابها وهو غير مسؤول عن اي اخطاء املائية

الصورة للتوضيح فقط
الصورة للتوضيح فقط

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.

التعليقات (21)

  1. جتاوية | جت

    لا حول ولا قوة الا بالله والله قطعتيلي قلبي فش احلى من العيشة بشرف وستر …الله اكبر وين احنا عايشين تا يصير هيك احنا مسلميييييين يا ناس اتمسكوا بدينكم ما تضيعوه لشهواتكم …. لازم تلقي حل ما تعيشي بهيك ظروف وما تخلي الظروف اتأثر عليكي وتصيري زيهم …اتوجهي لجمعية دينية او لجنة خاصة ببلدك اوامرأة ملتزمة تعينك وتساعدك تطلعي من هالظرف. الله يفرج عنك يا رب

  2. قلنسوة | قلنسوة

    السلام عليكم
    انتي بموقف لا تحسدي عليه الصراحه الله يكون بعونك والله يساعدك ويحل مشكلتك ويريحك . واقناع الناس مهمة صعبة عجزو الأنبياء عنها .

  3. לא משנה | בקה

    لا خليهم ينبسطو ويكيفو حالهم ولا هالقرف هذا الي عند العرب بهالايام فش بعد الكيف والفرح وراحه البال الله يهنيهم يا رب

  4. صاحبة الرسالة |

    في بنت بتقبل تنكشف لحدا ؟ في بنت بتقبل انها متكنش طاهرة ؟ في بنت بتقبل بتبرير المواقف مشان متعة جنسية ؟ في بنت بتقبل انها تشعر حتى أو تحس انها رخيصة ؟ في بنت بتحب السفالة ؟ شو اساوي بحالي انا شوو اساوي بحالي اتبرأ من امي وابي ؟ في ام بتجاوب بنتها لما تسألها ليش (سكرتي) بتقولها دكيف ؟ في ام مستعدة تخسر ولادها مشان متعة جنسية (من جوزها) ؟ في وحدة (انثى) تربت وكبرت بمجتمع مسلم تسمح لحالها تستغل عقد الزواج مشان تتمتع وتكيف ؟ في ام بتسمح لحالها تقول لبنتها انت متدخليش فيي انت مش الله انا وجوزي كلشي بالحياة مسموح لالنا ؟ انا امي وابي خلفوني مشان حالهم مشان يسكروا ويناموا ويتحاقروا ببعض بس اجت متعتهم على حساب واحد من ولادهم واحد منا ابن حرام شوو بدكم اياني اعمل لمن انا عايشي بذل وعار انوا بجوز انا بنت حرام او واحد من اخوتي ؟ انا مش عارفة شو اعمل بطلت اقدر انام بتقلب بالليلة ألف مرة عنيي حمر حمر شو اعمل ؟ بغدرش أتوجه ولا لواحد أو وحدة من اقربائي لأنهم بسكتوني وفي منهم احقر واسفل يلا انا خسرت اعز اشي علي نفسي وسمعتي الي الرسول وصى فيهن بدي ابخل بشوية وقائع وشوي حقائق ما عاد في اشي اخسروا خلص انا جاهزي امي دتظل فاتحها جريها لابوي ولا يصلوا ولا يحاصوا على شرفهم وهو نفس الاشي واوسخ وانا الحقيرة الي ما طلعت باشي بالحياة عشت حزينة متألمة طول حياتي بعرفش اذا انا بنت حرام ولا بنت حلال عشت وكبرت على ايدين ظلام حقيرين انجاس هدفهم متعة جنسية بالحياة لا بعرفوا شو يعني نسب ولا بعرفوا شو يعني اسلام ولا بعرفوا شو معنى شرف بنت وعرضها أخذوا من عقد الزواج تبرير وانا لا راح اتجوز ولا راح ارتبط باي علاقة كانت ولا راح افكر فيها قبل ما أتأكد اذا انا بنت حرام ولا بنت حلال

  5. محمود |

    السلام عليكم ورحمة الله وبركاته
    1 التزمي الدعاء والصلاه ولا تقنطي من رحمه الله كل هذا في صحيفة حسناتك
    2 لا تقربي العاملات الاجتمعات هدفهن الدرجات وليس المصلحه والنتائج وخيمه
    3 لا تنفكي من النصيحه بالاسلوب الحسن بالمواعظ مثل (الضرر الصحي او فقدان العقل ) ايات قران واحاديث
    4 اذا كان الجد والجده على قيد الحياه فاستعيني بهم او اسكني عندهم الى ان يصلح الحال ولا تقاطعي باي حال

    واسال الله ان تكني مثل ابنت بائعة اللبن

    اللهم اتنا في الدنيا حسنه وفي الاخرة حسنه وقنا عذاب النار

  6. ثائر عمر | مش من باقة الغربية بس بباقة الغربية (عين على الحدث)

    الى اهالي باقة الكرام لقيت فتوى جديدة وطازة من شهر مايو 2017 قبل 3 اشهر من مين ؟
    من خيرة شباب كفر الشيخ وزينة شباب هاي البلد بتقول الفتوى نقلا عن الامام حرفا حرفاااا في تفسيره لسورة المؤمنون:
    “ليش مش عن الاسلام يا عمي الحج ؟ لأنوا وينتا الانسان بنتج عمل خير؟ لمن يأأمن. لمن يسلم بعدوا عالباب
    وينتا بنتج عمل خير وعمل صالح؟ لما يوصل لدرجة الايمان بعدها بصير ينتج. وينتا بصير مبدع؟؟ وبحكم الدنيا كلها ؟؟؟ وبصير استاذ للبشر؟؟ لمن يصير محسن ارفع اخرى درجة لفوق يبدو انو احنا يا اخوان قاعدين بنحاول نطلع من الدرجة……………لمن نصل لدرجة الايمان بصير عمل خير بعد عمل الخير بصير ابداع” سماعي من الدقيقة 15:37 لحد 17:12 في اللينك المحمل لفضيلة الذي افتى https://www.youtube.com/watch?v=3E83xq4mUnk

    ما ننسى انهم حسب الفتوى انفا الاهل مسلمين برقبة الامام

    ثانيا تم بعون الله فك شيفرة السر الي محيرك وهو ليش اهلك بعملوا هيك ومش غادرين يفهموا انوا غلط السبب بنفس الفتوى ونفس مجلس الافتاء ولكن مع بداية الدقيقة 40 اربعون
    https://www.youtube.com/watch?v=3E83xq4mUnk
    النصائح الالماسية في التفسير لا يفوتكم
    احكمي يا اختي على راحتك وشوفي ليكون هاد السبب الفتوى ما طلعت من حيلى
    زي ما القدر اختار الاخ شريف مشان يعيش فوق تم اختيار الفتوى الاتية من قبل ما يسمي نفسه رجل دين
    https://www.youtube.com/watch?v=wE50Dbm3YkM

    ثائر عمر بالخدمة الك ولغيرك
    https://www.youtube.com/channel/UCDWasXEetPI9hSUJFIiurdA

    ما تزعلي على اهلك ادعيلهم الله يعينهم على الطاعة وتكفير الذنوب واقامة الحدود
    اذا امام بعمل كبائر وهو امام فهاظ الاشي رح يخفف عنك حدة التوتر
    الله معك وكل ما تتذكري انوا اهلك عملوا معصية او اي حدا بس فوتي عند taaeromar على اليوتيوب
    وشوفي الكبائر والمعاصي من الامام سعيتها بتهون عليكي مصيبتك

  7. امال ام وحيد | كفر قرع متجوزة لباقة (بالماضي)

    شوفي حبيبتي نص باقة كانت بعرسي وبعرفوني منيح وبعرفوا قصتي…….انا محجبة وبصلي وبقيت معلمة مدرسة ثانوية بالشمال اهل جوزي سابقا من باقة عملوا فيها ملتزمين وبناسبهمش بنت تفوت عندهم تطلع تشتغل قلنا لعيونكم الي بدكم ايا انعم واكرم ليش لع الحال ميسورة ومش مديونين وكلشي تمام…..جوزي احسن معاملة فش بعد هيك احترام ومسؤولية وبقصرش لا بيي ولا باهلي وزيارات وشو بدكم طلب…..خلال 8 اشهر خطبة ولا مرة طلعنا سوا كان معنا اخوي (محرم) وامي دايما كان بعد ما يوصلنا على البيت يقولي انت البنت الي بدور عليها كل يوم بتزيدي بعيني وينك من زمان لو شو ما صار مش راح اتنازل عنك حتى لو بدي اخسر روحي……اتجوزنا وسافرنا بعد شهر كانت النتيجة اني حامل…..مصدقش حالوا كيف طار بالهوا….مرقت هالايام وانا بعدي بالشهر الثاني حامل جديد مروح مبسوط وجايب غراض بقولي يلا نتحمم بقولوا شووو بقولي لاع بمزح انا فايت قبلك……طلعت من الحمام ولا بغرفة النوم مزبط قنية مشروب وكاسين وفواكه وبقولي اتفضلي…..كان في عقل براسي وطار مسكت هالقنية وعلى طول ايدي من الشباك طابق ثالث نزل فيي بهادل مخلاليش يا شرمو..يا قح…فضحتينا مرديتش علي بكيت ونمت باوضة ثانية….ثاني يوم اجى متأسف وقلي خلص مشيها هالمرة….صرت بالشهر الخامس رجع كيف ما كان قبل روحنا عرس زوجوت بالناصرة انصعر صار يرقص ويلطش…..بعد شهر رجع يجيب مسكر عالبيت…..انا على طول ايدي من الطابق الثالث….قوتلوا طلقني قلي ابوي(حماي) بطلقك مش انا….ضبيت اغراضي ونزلت عند دار عمي من بعد صلاة الصبح روح من الصلاة الي عارض علي اشتغل لانوا ملتزم وبناسبوش الناس تجيب معدلوا….قتلوا ابنك بجيب مشروب على غرفة النوم وبسب علي لانوا مطاوعتوش…قلي هو زلمي الدار هو بقرر شو يصير بداروا مش انا انت مرتوا مجبورة تردي عليه بعدين فش فيها اشي انتي ماسكتي بحظن وحدي استري حالك يا عمي محدا لاقي هالايام بعدين كل اثنين بسبوا على بعض وبتقاتلوا عادي طب وينوا هو لي مهودش على صلاة الصبح…..قلت هذول ناس فكروني شرمو..والبنت بالنسبة الهم شكل وساعتين قبل ما ينام…..ومعنديش اشي اساوي غير اني اقبل واكمل حياتي واحترم جوزي……قتلوا طلقني موافقش اتصلت بابوي اجى وخرفتوا مقبلوش قالوا بدنا الولد الولد حق ابوه قلنالهم بالمحكمة بتوخذوا……..فاتوا راس براس ومستحوش من عملتهم وفاهمين انهم مغلطوش الي منعوني اشتغل بدهومش الناس تشوف بنت طالعة من عندهم تشتغل على حجة ملتزمين….

    انا حميت حالي وحميت ابني وسميتوا وحيد وبدي اربي واعلموا الدين على اصولوا وافهموا ليش سميتوا وحيد مشان بكل لحظة بحياتوا يظلوا راسوا مرفوع ويستمد قوة من هالقصة بكل قرار فحياتوا وميوصلش لموصول الاستسلام والذل والعار

    اسمحيلي قلك بنتي لاني اتمنيت لو كنتي بنتي وغدرت ساعدك بتمنى التقي فيكي واتعرف عليكي انت هدية من السما الي ولابني انت مش لوحدك انا رح اتذكرك وابني بطل وحيد لانك صرتي اختو لوحيد ورح ضلي بقلبي وقلب ابني
    الله يوفقك وانشاء الله نعيش انا وانت ووحيد الي ما عاد وحيد برحمة ربنا

  8. عبد الله محمد قعدان | باقة الغربية الحارة الشامية

    يتوجهوا ادارة الموقع لائمة البلد ويقولولهم خطبة الجمعة تكون عن الخمرة محنا بالحارة بنلقا قناني فاظية واحنا حد الجامع القديم قولولهم يعملوا خطبة بس خطبة ملمة بكلشي ويقولوا الي بعمل هيك هو ومرتوا بيكونوا كفار
    في ملان زيك يا اختي في البلد واحنا بنعرف انو الاهل مش هاممهم حدا قوليلهم شغلي واحدة بس بتقبل لبنتك تكون مجوزي وجوزها يعمل فيها هيك وانت بتدريش ؟ وقتها رح يذوق على حالوا وتقطعيش صلاتك يا بنتي وخليكي على الامر بالمعروف والنهي عن النكر زي منتي والله بنصرك

  9. اللهم اغفر لي | جت

    اختي اطلعي من البيت اتضليش فيه اقعدي عند حدا من الاقارب لحد ما يصحو على حالهم لازم ينحطلهم حد … وواظبي عالصلاة متقصريش فيها ولازمي الدعاء لرب العباد يصرف عنك وعنهم السوء …

  10. حدا |

    ولله حزنت عليكي,,, اذا عندك اخوه اكبر منك خليهم يحكوا معاهم او احكي مع اي حدا تستحيش كوني قويه اي حدا توجهيلو اذا مرظيش حدا يساعدك قاطعيهم لاهلك ولا تحكي معهم صحيح انو حرام تقاطعيهم بس مشان يفهموا غلطهم وربنا بعرف شو جواتك واهم اشي لا تنسي صلاتك بلكي ربنا يزيح البلاء وربنا معك اختي.^^

  11. محمود | الناصره

    اختي العزيزه الحل الوحيد تروحي لمديرالشؤون الاجتماعيه ويتعهدولك انهم يحلوا المشكله متل ماحكت الاخت قبلي لانه الحل بايدهم بس
    وانتي كل الاحترام الك

  12. باقه | باقه

    الزمي الصبر والدعاء ولا تقنطي من رحمة الله ربنا كريم وان شاءالله يكتب لهم الهدايه والرجوع عن الخطيئه وانتِ دائما احكيلهم انه هاذ حرام واقل ما فيها بدكم تشربوا اطلعوا برات البيت .
    نسال الله الهدايا لنا ولهم

  13. بنت باقه | باقه

    اولن انا مصدومي انو في اهل مسلمين بعمل المنكر قدام اولادو ولاه الصعب امك كمان بتشرب الله يكون في عونك بس لازم حدا يدخل في المضوع احكي لا خالتك سيدك اي حدا مش لازم تسكتي على المنكر

  14. فاعل خير | ---

    عليك بالالتزام بالصلاه لا التقصير بها والتقرب اكثر من الله والدعاء ثم الدعاء ثم الدعاء هذا هو الحل ، الالحاح والدعاء والطلب من الله عز وجل ان يرزقهم الهدايه والابتعاد عن هذه المنكرات والرجوع الى الله ،
    طبعا مع الاكمال بمحاولاتك التكلم معهم بدون يأس لكن الاهم هو الدعاء والطلب من الله عز وجل

  15. مسلم | المثلث

    يا. اختي. اصبري. واحتسبي. ولا. تياسي. وادعو. لاهلك. الهدايه. لان. الشيطان. قد. اضلههم. الطريق. ويريد. ان. تياسي. وتضلي. الطرىق. اقراي. الرقيه. الشرعيه. وواظبي. عليها واعلمي. هذا. امتحان. من. الله. والله. يقول. في. القران. الكريم. وما. كان. الله. ليضيع. ايمانكم

    • صاحبة الرسالة |

      بالاخر انا بنت لا بغدر اوخذ قرار اروح ولا لع ولا بغدر اصيح ولا اطبش ولا اضرب ولا افضح اكثر من هيك انا انضربت واتبهدلت وانشتمت مكنتش اتخيل بيوم انو امي او ابي يعملوا عمل زي هاد اذا وصلت المسائل لمرحلة ميحصش علي اذا لبست قميص قم طويل او قصير حتى بالمناسبات اذا قولت بديش ارقص قدام الناس وبديش اروح على الصالون وبلزمش اعمل موديل وماكياج وبديش البس تنورة او فستان قصير او ضيق بتذايكو بدهم اياني ملحلة بدهم اياني (متشلحة وسافلة) ومش مانعين فكرة انو الشب يصاحب بنت او يحكي معها (انا ملتزمة والله شاهد علي) وبتذايكو لانوا لهسا ما حدا تقدملي ولا طلبني وبقولوا احنا علمناكي بمدرسة اهلية ودفعنا عليكي مصاري جبيلنا دكتور يخطبك انا بكرا من جهلهم بتعب بتعب وبزهك ومش بعيد اموت قهر لا بعرف اعيش ولا اكون اسرة ولا حتى احكي مع الناس لمن احكي بقوليلي اقعدي محل الله انا وضعي كتير كتير صعب انا بحبلهم الخير بس هم مش غادرين يفهموا انوا الي بعملوا حرام حتى وصلت معي اتاكد اذا انا بنتهم ولا لقيوني بالشارع انا بعيط بالساعات كل يوم مليش نفس اوكل ولا احكي مع حدا
      هذول اهلي هذول سندي ربنا قال هذول عزوتي يعملوا في هيك والله العظيم بكتب وبعيط والله العظيم بكتب وبعيط

  16. تيسير | باقة الغربية

    انا متهيألي اذا بتشغلي قرآن بصوت عالي بالدار يمكن يصحيهم شوي وحاولي تدوري على آيات في إشي عن الخمر والسكر..
    وممكن كمان اذا بتحكي لسيدك او ستك سواء من جهة ابوك او امك يمكن يقدرو يساعدوك
    الله يكون بعونك وديري بالك على حالك منيح