شاركونا بأخباركم! اضغط هنا ...

يا اصحاب القلوب الرحيمه

محرر الخبر: موقع هسا | تاريخ النشر: 20 سبتمبر, 2012 | القسم: قلوب حائرة

احينا الموت او قتل النفس ارحم من هذء العيشه ……….. بالنهايه الموته واحده ارحم من انك تموت كل يوم الف مره طبعا رايحين تقولو لي حرام وربنا بردش هيك وحياتك امانه واولادك امانه برقبتك بس بقول لكم الحياه ظلمتني كثير فوق ما تتصورون انا وزوجي ….
كانت حياتنا حلوه وجميله بعد زواجنا الذي كان ثمرة حب سبع سنين انا مع زوجي بالحلوه والمره وربنا ارزقنا 3 اولاد بياخذو العقل بجننو وكان وضعنا مستور الحمد لله ولكن لابد الحياه او صوره الكامله لا تدوم …
بدات حكايتنا بعد موت اخو زوجي الله يرحمه الذي كان عنده دكان ولكن الدكان مسجله باسم زوجي الذي لا شيا له بهذه الدكان الا مسجله باسمه فقط …. كنا احيانا نستفسر من محاسب اخ زوجي الذي هو X كان يقول لنا طمئنو بيدفع كل شي ما في شي عليكم لا بتامين الوطني او بالضرائب ةكنا جد متطمئنين انو ما في دين علينا …بعد وفاة المرحوم بدات البلاوي تنزل على راسنا من التامين الوطني والضرائب بالوف الشواقل وكان زوجي معطيه حوالي 27 الف شيكل حتى يعطيهن لواحد كان له دين علينا ولكن للاسف ايضا لم يعطيه هذا المال انصدمنا انا وزوجي كثير وتشجارنا كنت اللومه انه السبب بكل هذا
و لم اصحا عن حالي كان طلقنا ولكن الحمد لله قعدنا فكرنا شو العمل طلبنا من اعمامه ان يسعدونا كلهم قطعوا ايدهم وشحدو ولكن احنا شو ذنبنا مع انه كلهم بيعرفو انو ما كنا ناخذ قرش واحد من المحل بس شو بدنا نعمل عند الدوله ما في اشي زي هيك طلبنا من لجان الزكاه مساعده لا من مستغيث انا بدات العمل وزوجي صار يعمل لليل ونهار صرنا نحط معاشي ومعاشه مع بعض بس مش انو نسدد دين او للاولاد او اغراض اساسيه لبيتنا مش عارفين اش بدنا نعمل صارنا نتمنى الموت النا ولاولدنا ولا نعيش هيك عيشه شفتو قديش الحياه ظالمه بدكم تسالوني شو راي مارته ارمله ما دخلها ما بيعنيها الامر تقول اخوه ومجبور انو يسكر الدين
الرغم انو يوجد لديها مال وبشهد الله انو وضعها احسن من وضعنا شو العمل يا اصحاب القلوب الرحيمه ….
بالرغم طلبنا من لجنة الزكاه تساعدنا ورفضت على انها لا تهتم لهيك قضايا لانه عندهم اشياء اهم…
طلبنا من اعمامه يسعدونا لا من مجيب ……..
حاولنا مع دوله ان تخفض المبلغ ….. لا نستطيع قسطوه اقساط غير مريحه بالمره.
حاولنا نبيع بيتنا العائله وقفوا لنا بالمرصاد ….
شفتوا يا اصحاب القلوب الرحيمه انو الموت اكيد اريح من هالعيشه ….


ملاحظة: موقع هسا يقوم بنشر الرسائل كما وصلت بيد اصحابها وهو غير مسؤول عن اي اخطاء املائية

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.

التعليقات (8)

  1. اختي الكريمه قد يكون هذا الامر ابتلاء من الله بما انو شكلك انسانه موءمنه بالله وملتزمه حسب ما انا شايف توكلي على الله وما تياسي بالخير كل المصاري رح تندفع

  2. يا اختي الكريمه ما تحكمي عالامور بهاي الطريقه لانو البيوت اسرار ومش بس انتي بتدفعي هيك مصاري ما الك زنب فيها مثل ما بتقولي في ناس كتيره بعرفها عم تدفع خيرات الله على الرغم من انو حرام تدفع كرمال ناس بس الواحد يوكل امرو ل الله

  3. بما انو الدكان باسم زوجك يبيع الدكان ويسدد الضرائب او يشوف اذا اشتغل بالدكان قديش بيطلعلوا منه من فلوس ويسدد والله يعينكم او يشوف محامي ويستشيروا بالموضوع بس ما تخلوا المشاكل الي عندكم تاثر على اولادكم وعلى حياتك انتي وزوجك وبالتوفيق

  4. زوجة المرحوم ما الها ذنب في اللي صار.ولكن لو بدها او انها انسانه في قلبها رحمه بتساعد الي في النصيب.وبالنسبه لزوجك الله يهون علي مصيبتو يا رب.بمقدور لجنة الزكاة تساعدك .