شاركونا بأخباركم! اضغط هنا ...

موضوع نقاش : كيف نحتفل بالعيد والاوضاع متوترة ؟؟؟

محرر الخبر: موقع هسا | تاريخ النشر: 23 يوليو, 2014 | القسم: الأخبار الرئيسية 2, موضوع نقاش

DSC04279

بعث الينا احد مواطنين المثلث برساله لموقع هسا يقول فيها :

انا مواطن من المثلث حابب تقترحوا علي وتساعدوني … يا ريت تشاركوني في ارائكم … في هالسؤال …

احنا هلا باواخر الشهر الفضيل وبعد ايام رح يرف علنا العيد …

كيف وين؟؟؟؟ رح نعيد هالسنه .. من جهة الوضع صعب وفي خوف وتوتر ما بنقدر نطلع ع مطارح ومجمعات يهوديه مثل ما تعودنا نطلع دايما …

عنصرية وخوف من الخطف وتوتر …شو نعمل نصف عالقهاوي وين نروح بعيلنا ؟؟؟؟

ومن جهة تانية اوضاع اهلنا واخوانا في غزه كمان صعب ..

كل يوم مجزرة وكل يوم قتل …

كيف بدنا نحتفل ونفرح واولادنا واحنا شايفين كيف اطفالنا واخوانا بغزة بصير بيهم هيك …

شو رايكم : وين نروح …. في عندكم اقتراحات …. شاركونا بيها .

ملاحظة : موقع هسا يقوم بنشر الرسائل كما ترد على يد اصحابها وهو غير مسؤول عن اي اخطاء املائية .

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.

التعليقات (23)

  1. بنت ابومخ | باقة الغربية

    على فكرة انو نكون مبسوطين مش نرووح على محلات يهود ! ولا نروح على مجمعاتهم التجارية “קניונים” في بباقة مجمع تجاري ، منغدر نرووح عليه وننبسط ،

  2. ابومخ | باقة الغربية

    على فكرة انو نكون مبسوطين مش نرووح على محلات يهود ! ولا نروح على مجمعاتهم التجارية “קניונים” في بباقة مجمع تجاري ، منغدر نرووح عليه وننبسط ،

  3. وحده من باقه |

    ana bkol ano a7na bdna n7d 3ahlna watfalna bgaze bs alatfal als8ar sho bdna n3ml fehm ana bkol ano t3mlolom eom kef s3’er blshmal ao btro7o btt3mohm bmt3m akl ma feha 3shan e7so ano fee ajoaa walaa e3enhom ahlna bgaza

  4. من باقه |

    والله احسن اشي انو ما نعيد اصلا لانو شو ماتعملوا فش اجواء عيد خلي الضمير صاحي بلنسبه للاولاد قعدوهم قدام التلفزيون خليهم اشوفوا شو بصير حوليهم وفهموهم وعلموهم ووعوهم خليهم يعرفوا الواقع الي احنا فيه لا تروحوا ولا تيجوا

  5. وحده |

    فرحة العيد مش انو نطلع ونسافر بيكفي نجتمع بالبيت احنا واهلنا وقرايبنا ونحتفل مع بعض وننبسطت …انك تشوف البسمه على وجه اخوك او قريبك بهيك أوضاع بيخليني اسعد انسانه بالكون….وكل عام وانتو بخير وان شاء الله تتحسن الأوضاع ويعم السلام عالجميع..يعطيكو العافيه

  6. بقاويه |

    تصدق انه نفسي تروح روحك ان شاء الله…كل يلي بصير حوالينا وانت بتفكر وين تروح وبدك نساعدك..يا اخي ان شاء الله ساعدك عزرائيل يشحطك ع جهنم يا بعيد

  7. محروق دمو | باقة

    انا بقول تجمع عيدية ولادتك وتتبرع فيهن لاطفال غزة . اطفال غزة قاعدين بفكروا اذا بضلهم عايشين للعيد وانت صرت بتخطط للعيد وحد الله واحسن محل تروح عليه هو انك تروح على صلاة العيد

  8. באקה | באקה

    مش ضروري اكون الفرحة طلعة بمعنى الكلمة ويعني الواحد بخجل يطلع وينبسط واحنا شايفين شو بصير باهلنا فغزة خلينا نشعر فيهم ونعزل شوي والاولاد بفرحوا وين ما يكون لو يطلعوا يشوا

  9. مش مهم | جـت

    اول يوم كالعاده عالولايات وهيك
    ثاني يوم وتتمي هالعيد .. مش شرط تطلعو بحسب هيك وضع بتغدرو تعملو جو منكم وفيكم وممم يعني يعني اجتمعات عائليه وهيك.. الفرحه الواحد هوي الي بعمرها مو المكان ولا الزمان الشخص نفسووو وغير هيك اجتماعات عائليه بمنتزه فباقه او قعادات عند الأقارب وهيك الولاد بلعبو وبنبسطو طبعا الامر موجهه فقط للأطفال لانهم منغدرش نمنع فرحتهم رغم الوضع القائم وان شاء الله خير

  10. لليش الفلسفه |

    صحيح قلوبنا مع اهلنا في غزه الله يصبرهم بس تعال نقول مطلعش يفرح ولاده حتى عمحل قريب هيك بحرر فلسطين وبنهي ااحرب عغزه .
    كونو واقعيين

  11. talen |

    هو ضل فيها عيد ؟

    معقول نعيد ونفكر وين بدنا نطلع نشم هوا واهلنا بغزة بتقتلو وبموتو قدام عيوننا واحنا مش قادرين نعملهم

    اشي وين بدنا نروح عند اللى قتل اطفالهم وشرد نساءهم خلو عندكم شوية ضمير

  12. دموع فرح |

    صح انو الواحد مالوا نفس يعيد بهيك اوضاع بس جواب لسؤالك في كثير اماكن بالضفه حلوات مثل قلقيليه او الميجا لاند بطولكرم او جنين حداد

  13. بقاويه | باقتي حبيبتي

    والله عيب عليكم تفتحوا هيك مواضيع، اهلنا وناسنا بغزه قاعدين بتذبحوا كل لحظه ، واحنا همنا العيد، اي انو عيد جاي علينا واحنا بهيك وضع؟؟ قولك انك مش قادر تطلع عند اماكن اليهود بسبب الظروف ،هو بحد ذاته انك بعيد بعد المدى عن احساسك فيهم ، وهذا اقل القليل !!!!!!!!!!!!!

  14. واحد | باقة

    مش لازم الواحد يطلع بتقدر تظلك بالدار
    كاسر راسك وبتسال وين بدك تروح واخوانا بغزة قاعدين بستشهدوا !!
    شغل الطنجرة الي بين اكتافك !!

  15. بنت المعلم |

    هو في للواحد نفس يطلع اكيد ﻻ بس مضطر الواحد يطلع وﻻدو وﻻ عيلتو معك حق خيا للاسف ما بتتوفر عند العرب اماكن للسياحه ماكلين هوا حمد الله وان رحنا عند يهود بتخاف تاكل هوا هناك كمان احسن شي الواحد يعمل جو لحالو العيله كلها ببيتو يمكن شوي لما تشوف الناس بعضها تنسى شوي من همها …كل عام وانتم بخير

  16. بقاويه | باقه الغربيه

    بالفعل كيف رايحين انعيد ما في محل اروح عليه ولادنا بدهم اقضي العيد وين انا اقول نطلع ولادنا علي محلات قريبه مثل منتزه باقه علي محلات الي تبقي امان لاخوف ولا توتر محلات فيها مراجيح والعاب الي ينبسطوا فيها قريبه علينا وكل عام وانتم بالف خير والله اصبر اهل غزه وشكراواتمني للجميع عيدا سعيدا صعب انو الواحد عيد بهذا الوضع الكل خايف ما مدا بعرف يطلع من داره الواحد لازم افكر 20 مره كيف بدو يوخد اولاده ما