شاركونا بأخباركم! اضغط هنا ...

موضوع للنقاش: جديد جديد مقهى للنساء في باقة الغربية

محرر الخبر: موقع هسا | تاريخ النشر: 7 يونيو, 2014 | القسم: موضوع نقاش

مقهى للنساء في باقة

وصلت رساله الى موقع هسا تحمل الكثير من التساؤلات حول قضيه وجود كافيه خاص للنساء في مدينة باقة الغربية :

اتسائل وكثيرات يتسائلن حول الاسباب التي تمنع وجود كافيه خاص للنساء في باقة الغربية , وخلال سؤالي لنساء وبنات باقة ابدين موافقتهن بل واعربن عن مدى اسفهن لعدم وجود كافيه يحتضن جلساتهن واحاديثهن.

كل امراه تم سؤالها اجابت انه لو توفرت لديها الفرصه من الناحيه الماديه لما ترددت بافتتاح كافيه خاص للنساء , وعلى الجانب الاخر ابدى الكثيرون تحفظهم ومعارضتهم حول فكرة وجود كافيه للنساء واصفا اياه بيتا للنميمه ومكان لا يناسب النساء.

بين مؤيد ومعارض :
هل توافق على افتتاح كافيه خاص للنساء في باقة الغربية؟!

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

اترك رداً على קרנבט إلغاء الرد

لن يتم نشر عنوان بريدك الإلكتروني.

التعليقات (153)

  1. متفهمه |

    ياجماعه صلو ع النبي عليه الصلاه وسلام
    كل واحد هون بنحط ع العين وراس وكل واحد معو حق وكل واحد عندوا رايه
    فش حاجه لنسيء الكحي بحق بعض كلنا ابناء امه واحده وهيي الاسلام فشي حاجه تحكوا عن بنات الناس الانوا على ما اعتقد كل واحد عندوا اخت او ام
    وخلي كل انسان بحالوا اذا بحبوا ايروحو اذا لع لع
    بلاخر ربك هو من يحاسب الانسان على ما يفعله

  2. واحد صعبان عليه وضع الامه التعبنه | باقه

    من خلال عملي كحلاق وبسمع كل يوم عشرات القصص احنا فيش اشطر منا في الجدال المثل يقول لكل حادث حديث اعطو الايام تثبت لكل انسان انو طريق الغلط ملوش عمر اي انسان بفكر انو محل من هل نوع رايح ايعمر فهو غلطان واحسن نصيحه لجميع انه كل انسان يحافظ عل بيته وعالته احسن من كل الكلام الفاضي والله يهدي الجميع لطريق الصحيح وعل قول ستي الشرف مثل عود الكبريت اذا اشتعل مره بشتعلش كمان مره والفهيم يفهم وباركا الله في الجميع

  3. حورية | باقة وافتخر

    ولوووووووووووو الله اكبر شو السيرة ولكن فش حدا يظبكن وين الضمير يا بشر وين الانسانية بلاش الضمير والانسانية وين الأنوثة قرف على هيك زمن مقرف شعب جاهل بس تأكدوا انوا هاي علامات القيامة كلشي ظهر ولكم اعملوا اشي بسيط بربكم علشان تقدرو تواجهوا ملتهين بالدنيا والت تطورات الحديثية ههههههههههههه قهوة للنساء ولله مسخرة

    • ميار |

      ولله انك انتي اللي مسخرة حبوبه !!!!
      ولوووووووووو شو السيرة هييك عقلك انت و اهل بلدك !!!! ليش مغلقين ” סתומים ” كنو ككان من علمات يوم لقيامي هبل العالم و جهلها

    • سماهرر | باقة

      اعوذ ب الله من هيك تفكير معقد و جاهل

  4. ابو زيد | USA

    اذا بتسمحولي اتدخل ومع احترامي الشديد للجميع انا عندي حل مناسب ويرضي جميع الاطراف الرجال والنساء على السواء: ليش ما تفكروا بمشروع نادي(بدل كلمة مقهى) يكون للعائلات فقط.
    يعني ممنوع دخول الافراد بدون عائلات, الرجل لا يستطيع الدخول بوحده, والمرائه لا تستطيع الدخول بوحدها
    يعني ممكن للزوجة ان تدخل بصحبة زوجها واولادها وبناتها وكذلك الزوج ويكون الجميع راضي ومبسوط.

  5. بنت البلد | باقه الغربيه

    انا برأي اذا انفتح هاذا المقهى لا بظل قهوه ولا نس في اسرائيل
    عشان هيك لاتغلبوا حالكم وتفتحوا هالمقهى ..
    بعدين المرأه مكانها وعرشها وملكيتها فقط البيت
    هاذا الرسول موصاش في ..والمرأه مكانها بيتها
    ويلي بقول انتوا متخلفين ولا مش وثقانين بحالكوا ولي بقول
    فاهمين الدين غلط…
    طيب ياحبيبتي شو الصح خبرينا… .الدين بقولك روحي اشربي
    قهوه بالشارع شو صرنا رجال… .
    ويلي موافقه ع هالفكره بحكيلها انك انتي رخيصه جدا
    لأنوا المرأه انوثتها بتسمحلهاش تقعد تشرب قهوه بالشارع
    اقعدي مع اولادك جلسه عائليه اشربي معهم ولا هلأ بطل ينفع
    نقعد مع اولادنا… ولكن القعده مع اولادها ولازوجها ولا اهلها ولا
    اخواتها واخوانها احسن من الدنيا ولافيها…
    هيدا اذا بتحبوا عيلتكم…

    • سماهرر |

      حبيبتي ما خصش الدين لانك اصلا 100% مش ماشي حسب الدين بحياتك اسا بدك تتحججي بلدين ؟؟؟

      وتاني اشي افهمي ايش المشروع !
      مش نساء على قهوة بلشارع يا جاهلي
      زي كافي كافي … متلا !!

      ييييي اااه نسيت انكو عالم جاهليين و ( مش مثقفين ) يعني اسفي ..
      بس تعليقك خلاني اتاكد انك جاهلي و مش عارفي وين الله حاطك
      ! خليكي مع عيلتك … اقعدي معهن ليش فايتي هون انتي اصلا شو بطلت تنفع القعدي مع العيلة ؟
      الانترنت احسن ؟ هههههه ….. جهل جهل جهل و تعقيييد

  6. الحرية | باقة الغربية

    فكر حلوة ومتقدمي بس حسب التعليقات المكتوبة تقربا الكل معارض بس عنجد ليش كلو للشباب احنا البنات ملناش حق نقعد ونكيف هدا الاشي مش عدل بدكم تفتحوا للشباب وافتحوا اخرا للبنات ……وكل واحد عاملي حلو او حالها مسلمي والله ما حدا اليوم ما حدا ماشي الاسلام منيح اما تمشي بلشارع احسننن بدكمش حدا يضبكم ….

  7. شهره | باقه الغربيه

    السلام عليكم
    انا فتاه من باقه الغربيه متعلمه ومثقفه الحمد لله ومحجبه انا لا اوافق على هذه الفكره نحن مسلمون لا يليق فينا هذا ماذا اذا نقول عن الاجانب صاحب الفكره هذه را يليق فيه ان يكون مسلم بكل معنى للكلمه

    • سماهرر |

      يا اختي المسلمة المتديبنه .. اذا حضرتك معقدة .. في غيرك لا
      في غيرك متعلميت و مش معقدين .. الجين مقلش ممنوع النساء تقعد و مطعم تشرب نس او شوكو هههه
      يعني ….. انتو مش عايشين بهلدنيا ….. تفكيركو محدد

  8. نجود قعدان | باقة الغربية

    الشعب العربي يتقدم فقط بالسن لا غير الحمدلله كل الاحترام الكم كفتوا وفتوا الله علي الشعب العربي بفتخر بحالوا وبهبلوا بفكروش

  9. نجود قعدان | باقة الغربية

    ما المانع في افتتاح كافة للنساء نحن لا نقدر ولا نحترم كل شئ للرجال نحن لنا الحق مثل الرجال .وشكرا

  10. لمى قعدان | باقة الغربية

    لا لا لا لن اوافق لان النميمة تزداد في باقة كل هاذ خراب لنساؤنا اعارض لان باقة اهل المسلمين ويجب ان نكوك قدوة للاجيال القادمة فاذا تم الموافقة وبناء هذا المقهى فسنجتمع لنهدم امال اليهود ان يجعلونا شيئا فشيئا مثلهم ومن علامات يوم القيامة ان النساء تتشبه بالرجال

    • ميار | باقة

      ما اتفهك ….
      ولك رح يضلو اليهود كلهن احسن منك و من تفكيرك الجاههل
      اانو دين هاد اللي بمنع النساء يعيشو ؟؟
      و يقعجو ب محل مخصص للنساء؟
      اااا فهمت … ! 😉 اكيد اكيد انتي فاهمي الدين غلط هههه

    • ميار |

      ول ول ولللل هههههه ! شو هل هبل ؟
      لهدرجة جاهل ؟ ومتخلف؟
      روح تعلم انفتح عل دنيا شوي .. انت و غيرك ” اللي تفكيرهم زيك”

  11. ... | باقه الغربيه

    الرجال والنساء المعترضين،
    الرجال يا انهم خايفين على نسائهم من اولاد غيرهم :)
    او انهم متخلفين عقليًا
    او انه فاهمين الدين غلط
    او انه مش وثقانين من نسائهم
    او او او …
    النساء نفس الشي
    خايفات على نفسهن من اولاد غيرهن مثل ما غيرهن خايف على نفسه من اولادهن
    او انهن مجنونات
    او انهن فاهمات الدين غلط
    او انهن بثقنش ببناتهن او لاولادهن ..
    المهم،
    انا برأيي كل واحد يربي ابنه وبنته عالمصبوط
    وببطل حدا يخاف من الثاني :)

  12. جتاوية | جت

    פקרה חלוי כתיר … ורנתו נאס בתפקרוש מחוץ לקופסה תפקירקום מחדוד ופי נוע מן תכלוף
    ליה נסואן יקעדן בדאר יעני
    ויעני אדא וחדה בתרוח עבית קפה קפרת? ובטלת תרבי ולאדהא? שו במנע קעאד בבית קפה
    ארחמו חאלקם
    חסב ראיי מתנפתחש קהוי להיק שעב מתכלף ותפקירו מוגבל לאנו אלי בדו יפתח קהוה בדהם עשלו ערדו
    בלאק מן וגי הראס כלי נסואן ימקלתן בדורהן ויחקין עבעד והני בדורהן אדא היק תפקירקם. בעדין אלי בדהא תעמל גלט והיק בלזמש תנפתח קהוי משאנהא מהי אלי אכלאקהא ***בתעמלש עמאילהא בדאר ובגרפתהא בדון מא תדרו פיהא

  13. لينا |

    هو الفكره حلوه بس مش بالمكان المناسب لانو بفكر لو يفتحو مدرسه تعلم بعض النساء مش رح اعمم طبعا. تعلمهن كيف يكونو نساء صالحات مش خرابات بيوت وجيل عم بيدمر بسبب عدم التربيه الصحيحه من قبل الام. المشكله لو فتحو المقهى النساء الي رح يروحو هن نساء فاضيات ومش واعيات بس لهدف النميمه ..انا بفضل نشر الوعي اولا.واذا حدا بيحكي طيب مهي بتروح علا مقاهي يهود. بس هناك بكون معها جوزها او صديقتها او ابنها فلديها حدود لن تتجاوزها …والله يجيب الي في الخير

  14. مهندسه الافكار |

    انا اوفق ولا اوفق اوفق من جهه انه انهم كالغرفه كبيرا لاولاد الصغار وان لا يدخل عليها رجالوان الكبيرات في العمر انه بدل انه يقعين في بيت بس مش تصل مثل قهوي الرجال ولا اوفق من شئن مديل اليوم طخ هل بوصل لهيك

  15. ابنة باقه | باقه

    اولا هذه فكره يجب محيها وعدم النقاش فيها بدل ما تقعد المراه بالقهوه تقعد تربي اولادها تربيه صحيحه او تختم القرأن او تحضر دروس دينيه في الجوامع لذالك انا ام اشتغل الحمد لله وانا ضد واعارض على فتح قهوه ( هاذ الي ناقص)

  16. בקאוי קח | באקה

    اول اشي هاظ حكي يعني مصرش وبصرش والي ناوي ايساوي هيك مشروع بدو ايلحق مقاكل من اول يوم ابتنحرق القهوة وانا من اول الناس بروح وضد هاظ الاشي لا اله الا الله الدنيا اخر وقت الناس بطلت اتفكر احنا مواجهين شهر الخير اتقو الله يا عباد الله بدل ما تفتحو بيت لتحفيظ القران بدكم تفتحو قهوي وشوووو للنسوان اخص علا كل واحد مايد مرتو او بنتو على هيك فكرة

  17. باقه | بنت باقه

    ليش لع فكره حلوه ما نفتح كافيه للبنات شو العيب او الحرام بالموضوع كيف ما في الاولاد بعتقد لازم للبنات ليش انتو بشوا احسن منا وانا مع هالمشروع والى الامام

  18. مسلم |

    بروحن يشربن قهوة ب קפה קפה ولا ארומה !!الله يهديكم ولكم كيف اولادهن ولا جيزانهن بسمحولهن اصلا وبعديين بدل ما ننصحهن على ترك هاي الاشياء نيجي نحفزهن ونفتحلهن قهوة !!!!! لا اله الا الله ..

    • ... | baqa

      الله مقالش بالقراان انه القهوه حرام
      وانه المراه مالهاش حقوقها ؛)
      وانها بتغدرش توخذ راحتها
      هذا لا يسمى ايمان او اسلام
      إننماا يسمى تعقيد .
      ومش معجبك الاقتراح اذا انت بنت مش مجبوره تفوتي القهوه :)
      واذا انت ولد تسمحش لامك او اختك يفتنها
      مع احترامي.

  19. مسلم |

    يا لاسفي على امة اصبح موضوع تافه كهذا قابل للنقاش فيه فلاصل ان تقفل مقاهي الرجال وانتم تتناقشون حول افتتاح مقهى للنساء
    “اتقوا الله يا من لا تخافون الله” !!! محنا مش خالصيين من النميمه والمغيبه وهن في بيوتهن كمان قهوة لع بس الله يخليكم اذا صار اشي من هلنوع لا سمح الله , حطوا اراجيل وبيعو دخان وتنسوش الشده حبايبي :( يا للحسره

  20. وحدي |

    انتي يا اختي اللي من جت المثلث !!!

    وين عقلك خيته؟ جاهلي يا نغشي ؟ يعني ما اتفهك …!
    فش وراكي شغله تاني نازلي تعلقي للكل ..بكفي ! اهتمي بحالك فهمنا رأيك الجاهل ارحمينا روحي اتعلمي ! انفتحي الدنيا حاجي مبلشي تعلقي هون تفاهاتك
    و بسسسس مع هيك مشروووع و بدعمممم هيك اشي ….. و اهل باقه و و القرى المجاوره كلها لازم يكون فيها هيك اشي ..

    بس ” بلبقش اشي للعرب للاسف … ” جهل و قلة علم

  21. وحدي | حيفا

    انتو ناس معقدين …… بتفكروش فش عقل
    كابتين على نفس البنات … لدرجه انو بس يطلعو من البلد بشلحو اللي فوقهن و اللي تحتهن
    متفكروش حالكو انتو فاهمانين الدنيا ……… و احسن محدا يحكي بلدين .” بلذات الشباب ” لانو كل شب رافض هاي الفكره
    و عم يتحجج بلدين …. يشوف حالو 😉 لانو عامل ” السبعة و ذمتها ”
    جاهلييين رح اضلكو جاهليين رح اضلكو ورا ولا بحياتكو رح تتقدمو
    تافهين ! مفكر ازا بتحبس بنتك او اختك ….. … بتكون مربيها هيك؟ 100% معها بليفون بلسر 100% مصاحبي 2 3 !!!! بس عشان اطلع اللي بقبلها … اللي محبوس فيها منكو يا ” زلام ” …
    و انا بس مع هيك مشروع ….!

  22. Bhaa | Bhaa

    שו יעני האי נפתח קהוי ללבנאת נאקיס תפתחו מחל למשרוב אלקחול ללבנאת ונאדי רקס מש בצפינא האדא אלי קאעיד בביע תיתס לבנאת אלבלד ולקום וין הדול אלי טאלעין פיהא זלאם קל ואחד יחסבהא עלא אמו ואכתו ויטלע עלא דינו בעדהא יגי יפתחלי מחל יביע פי תיתס או יפתח קהוי ינעל הייץ זלאם

  23. زعرة محترمة | باقة الغربية

    يعني شو فيها محنا بنروح علا بلاد تانيه وبنقعد عادي ومحدا بيضايقنا ومحدا بيضايق شو يعني اذا عملتولنا وحدة بالبلد احسن ما نرووح بره …ولا شي بيعجبكو كلشي بتنتقدوووه ازهقنااااااا

  24. وحدة |

    فكرة حلوة ولي مش عاجبو او عاجبها اتظلهااا كاعدة وظابة حالها بالدار المراة في الها حرية وهي بشرية مش بدها اضل اسيرة وانا مع انو نفتح قهوة بباقة

  25. واحد | باقة

    بس سؤال واحد
    دشروكم من موضوع للنقاش، والتهو بموضوع للعمل اسمه : لنربي اولادنل وبناتنا كي لا تنشر بالجرائد فضائحنا

    على ما اعتقد، الاخبار بالفترة الاخيره وصلت الجميع
    تمنياتي لكم بالبنين والبنات الصالحات

  26. אמיר |

    אמא בקול תדלקומש תתהבלו וקימולי התכלוף מן רוסקום כלס יאכי קימו תפקיר לשרק מן רוסקום
    פיהאש אשי יא מותכליפין ! ואנא אול ואחד דודי כואתי עהלקהוי יאכי קול ואחד חור בחאלו וילה בס אחנה לשבאב נרוח עקהאוי לאזם יבקה פי מוסאואה

  27. الي بفتح القهوه بتعرف علي |

    اذا فتحت قهوه بنحرقها واذا فتحت ثنتين بنحرق ثنتين البنزين رخيص والكبريت ارخص
    اذا بدك رايي دور عطريقه تسكر فيها مقاهي الشباب مش طريقه تفتح فيها مقهى للناس .

    • وحدة |

      ههههه لع احنا منحرقق اذا بتحرقهااا

    • مش مهم |

      الله يحرقك يا جاهل يا همجي فش عقل …! تافه

  28. رانيا | زيمر

    ليش ما نلاقي حل وسط بين المعارضه والموافقه … يعني بدل ما نسميها قهوه خلونا نسميها ” ملتقى الخير” .. بلاش تفتح لنصاص الليالي بكفي للساعه 9 .. بلاش يكون فيها ارجيله ودخان بكفي يكون فيها مشروبات وتسالي .. بلاش تكون مكان للنميمه خلوها تضمن كل يوم اشي مختلف ،، عرض دروس دينيه ، محاضرات مفيده ، العاب للاطفال ، ماكنات رياضه ، مكتبه صغيره ، فعاليات للام وطفلها ، وكثير اشيا ممكن نضيفها … وبلاش تكون معروضه بالشارع …. والخ وبالخر بنرجع وبنقول المرأه كائن حي بشر من حقها يكون الها مكان خاص فيها تتنفس فيه مشان ترجع تغدر تقوم بكل مسؤلياتها والهم الي بستناها ….. واكيد ما بننسى انو كل زلمه عامل حالو زلمه وبعارض وبدو يحرق ويكسر يكون زلمه على مرتو وقتها كل النساء بتطلع بارادة زوجها وبترجع على بيتها بالوقت الي بحددلها اياه …. غير هيك النساء اليوم بشتغلن فووق طاقتهن مشان تغدرو تعيشو مش لانهن بدهن يتساويين بالرجال ويطشين ولا كان مكنش كل زلمه بدو يتجوز بكون اول شرط عندو العروس بتشتغل ومخلصه تعليم … وانا اول وحده رح امشي بهالفكره والمره الي بتحترمش حالها وولادها صايعين على رايكم بكون وراها زلمه بالاسم مش قادر عليها وصايع وقاعد عال قهوه .. وجاي يتزلم هوووووون .. يعطيكم العافيه ايها الرجااال  

  29. وحده |

    انا من رايي بدل ما تفتحن فهوه وتقعدن تتفهونن وتقعدن تحمين عن فلانه وعلانه كل وحده تظب حالها وتقعد ترببي بناتها لانو عنجد الوضع بنشفق علي .. واليوم البنات بدهن حدا يمسكهن لانو الفظايح طالعه نازله … استحر عحالكم شوي… بعدين في فرق بين قهوه للنساء وبين ما انو الوحده تطلع مع جوزها واولادها بمكان عام !!!!
    كبروو عقولكم واتقوا الله

    • حدا |

      أنا معك 100% ليش النساء تطلع من البيت اصلاً؟ ما في حاجة! وكمان انت لازم لازم تضبي حالك, تبعدي عن الانترنت وتربي حالك قبل ما تربي أولادك.

  30. .. | باقة

    وانا ١٠٠٠٠٠٪ معارضة ، محنا قهوات الرجال ومنشكي منها
    يا عمي الامهات اذا خربن بخربن اجيال معهن ، انا رايي انو في اشياء بكثير اهم ، كل مرأة لازم تدير بالها عبيتها وجوزها وولادها
    وطبعا اكيد المرأة مش بس للمطبخ بس في اشياء اهم من انها تقعد بقهوة للحكي اللي عالفاضي ، تلتهي بشغلها وثقافتها وبناء حالها وعيلتها ومجتمعها وتقرا كتاب احسن من قعدة القهوة
    مش معناه انها متطلعش بالعكس تطلع وتنبسط بس فكرة القهوة كثير الها سلبيات
    بالاخر كل واحد ورأيه وتحفظاته بس صدقوني مجامعنا بدو كثير كثير ليتحسن ولنصير مجتمع صالح لازم نركز عاشياء اهم ونرجع لدينا اهم اشي ونلتهي بعلمنا وثقافتنا وتربية اولادنا عأخلاق الاسلام والله اهم

  31. מבין עניין |

    חברה למה אתם לא קוראים לפני שאתם כותבים
    הבחורה רוצה לשמוע את דעתכם
    למה אתם מדברים כאילו פתחו קפה כבר חחחח
    תחשבו קצת פיש עקיל

  32. مش مهم ( ولد ) |

    لا يوجد اي مشكله في وجود قهوه للنساء لان المراه مخلوق مثلها مثل الرجل ويحق لها ان تفعل ما تريد و مش كل اشي حرام .

  33. مسلمة |

    اخواتي ما خرب بيوتنا الابس كثرة خروج المراة من بيتها علما ان اغلبية النساء اليوم عاملات انا بس بدي افهم وينته بتعطين حق اولادكن وزوجكن وداركن لما من الصبح للعصر بالشغل بعدها طبيخ وشغل البيت وينته في مجال ترحن على القهوة ؟!!!!!!!

  34. בקאוויה |

    אנא מש שאיפי פיהא אישי עייב לאינו זי מא פי קהאווי בתרוחו אנתו וכואתקום ונסוואנקום ברא בסיר קעדי לנסוואן בלא הבל ומסכרה וזי מא אנתו בתכלוש בנת בחאלהא למא תמרוק עלקליליי לוואחד ילקה מחל יקעוד פי אעגבתני לפקרא :**

    • اختكم في الله - باقه الغربيه_ جت المثلث |

      جدععععع …. كل الاحترام بارك الله فيك

  35. مخنوقه | جت

    هيك بصير كل واحد يدور على بناته وخواته في نصاص الليالي.اي بدون القهاوي النسائيه البنات ضايعه وصايعه.لا حول وﻻ قوه الا بالله العليالعظيم

    • غير معروف |

      ابصراحه انا مش عارف شو بدي اجاوب

  36. الشيخ ربحي عويسات | باقة الغربية

    يعني مش مكفينا ٤٤ مقهى في البلد؟
    كمان بدكم قهوة جديدة؟ وللنساء؟ وعلى وجه رمضان؟
    عليكم أفكار! لا أدري من أين تأتون بها..

    • مش مهم |

      ليش اصلا في رجال ؟ هههههههه مضحك جدا ! و جاهل جدا !

  37. باقة الغرببة | موافقة

    قال بزمن الرسول ما كان في مقاهي للنساء
    على اساس يعني كانو البلفونات والفيس بوك والسيارات
    نتركهن مثلا لانو ما كانو بعصر الرسول
    يا زم ارحمني

    • معارض وبشده | باقه

      ارتقوواا بتصرفاتكن ااه اصلن محدا خرب البنات والامهاات إلاا هالتلفوناات والفيسبوووك خليكن كد حالكن وخلي انوثتكن فيكن !!!

  38. باقة الغرببة | اولا القهوة مش محلله للزلام وللنساء لع ثانيا احنا البنات بنروح عمحلات هي بالاساس مقاهي بس اسمها مش " مقاهي" وهاظ بالنسبة الكم عادي مين قلكم انو كل البنات مثل بعض ورح ينمين ولنفرض انو كلهن مثل بعض وبنمين وبستغبن التلفون بنستغيب فية الفيس بنستغيب فيه صارو حرام ؟ صار لازم نمنعهن عن البنات رابعا االلي بشوف حكي المعارضين واللي مع انو القهاوي بس طريق للنميمة عاساس بتروح تصلي وتصوم بالقهاوي ، منتا بتقعد عالشارع وبتضلك تتطلع عالبنت لحد ما تبطل تبين صح ولا مش غلط !؟ كال المرة لبيتها دشر حبيبي عصر الجاهلية وتع عيش بعصرنا يا متخلف

    اارتقو

  39. موافقه وبشده | باقه الغربيه

    انا بوافق ايكون متل هاد الايشي بالبلد لسبب انو كل البنات والنسوان هاي الايام برحن يسهرن בקפה קפה ولاקפה לנדור ولاארומה يعني فش فرق بالمره بس انتو هيك بتفكرو انو عند يهود عادي اما عند عرب حرام وعيب لو لمره كبرو عقلكم اعقلو وبلا مسخره وهبل الايشي رح يكون ناجح

    • غير معروف |

      يعني بدي احيكك عهيك تعليف منطقي …وجه نظر رائعه وعقلانيه

  40. أنسام عُمر |

    مقهى للنساء ؟

    بلاش الواحد يقعد مشقلب ويحكي صحيح !

    ليش عزيزي المجتمع ؟ اختك او زوجتك ما بتروح تقعد في اروما ؟ ولا بتروح ع جآن شموئيل ع بيت كآفيه؟ ولا بتروح ع “الفخفخينا” (لانه القعدة هناك مريحة وما فيها رجال)؟

    ليش مسموح تقعد انت وياها في طولكرم و نابلس وقيساريا في مقهى اما في باقة ممنوع !؟ —-> لأنه النظرة في بلادنا -48- انه المقهى بس للرجال !

    ليش كُل ما يفتح محل صغير في باقة شبيه بـ المقهى ، بيتملى شباب ؟ والواحد حتى بالسيارة ما بيسترجي يمرق عنهم! فاضيين زيادة عن اللزوم لدرجة انه كل 3 اشهر بيفتحوا قهوة جديدة في باقة الغربية!

    احنا ما بنقول تصير “قهوة نساء” ويقضوا وقت هناك وارجيلة وسهر ووو ، بلاش مبالغه بالله عليكم … احنا بنقول يكون شيئ نغش خاص فيهن الي بدل ما تروح مخصوص على اروما تروح على هذا المقهى !

    يعني الحمدلله الي موجود بباقة الغربية محل الفخفخينا و”منتزه” ضوء القمر لحتى النساء تعرف تقعد متل الخلق..

    وع فكرة لو ما كتبوا بـ اعلانات “ضوء القمر” انه هناك “قسم للعائلات” كان مُلئ بالـ شباب وبس هُمي

    ع كُلٍ ،

    اذا كلمة “مقهى/قهوة” غير مريحة وثقيلة نسمعها وبتعطي نظرة غير لائقة ، فـ بنغيرها (ممكن نستبدلها في “بيت كآفيه” او “كوفي” وهيك بصير وقعها أهون عليكم : ) . ) !

    عزيزي المجتمع_الذكوري فكر خارج الصندوق شوي لأنه عنجد ممكن نستبدل كلمة مقهى :)

    وهاي فكرة للمُبادرات لأخذ زمام الأمور :)

    و . سطر جديد !

  41. محمح |

    بعد مقاطعه دام سنه لنت وموقع هسا الا ان الموضع ملزم انظروا الى منتزه ومقهى ضوء القمر وليالي الريف اليس بكافيه اغلب رواده من النساء هل يجب ان للنساء فقط لا ينقص محلات مريحه ومحترمه في باقه المجهزه لاستقبال النساء

  42. معارض للمعارضين | باقة

    سؤال صغير —–
    ليش يا شباب ويا رجال الي معارضين —–
    بتسمحو لخواتكم وامهاتكم وزوجاتكم —-
    السهر في اروما — او في رام الله — او في نابلس —

    مهو هناك في شباب بشوفوهين
    بس جلسة خاصة في النساء محدى بشوفهين العكس استر الهين

  43. استنتاج | جت

    قبل لا نوصل للنميمه والفساد في اشي اهم من هيك..
    في بعض البلدان العربيه القريبه برحن البنات على اروما ومش عارف شو….
    هسا كل وحده بتصير تفوت بكافي باقه على عدة مرات بلقوا بناتهم بالاخر باروما كوخاف يئير والخضيره وبصير الامر عندهن عادي….
    مش لا سمح الله قلة ثقه او شي بس هاد ثغر وبداية طريق للضياع

    وبالنسبه للنميمه مهني النسوان معروفات بثمهن فوله
    ما فاشي سرك الا اللي امنت عليه
    ما فاشي سر الزلمه الا مرته

    مع احترامي للاخوات انا اعترض على فتح هذا الكافيه لانه بداية تخريب للبنات والامهات

    واللي يقول تخلف هذا مش تخلف لانه كتبت بالاول لشوا هاي الطريق رح توصل وممكن الى اسوأ من هيك

    يا مسلمين العرب هذول خواتنا وشرفنا وعرضنا فكروا باشي ثاني لانه الفكره عنجد لا تليق خاصه في اهل جت وباقه

  44. سوسو | باقه

    اشي بجنن عههههه اسمعو اياكم بس تحطولي نسوان كبار يشتغل وهيك بس صبايا احلى اشي والله وتاني شي لو كبار يعني امهات يبقى اجت هاي وراحت هاي خهههههههههه والله حاسي حالي ببيت بيوت اشي بجنن انشالله ليش لع

  45. المتوحش ابو فسوة ! |

    هههههههه الرحمة
    يعني عنجد تافهين
    شو إلها البنت في القهاوي
    طب انا بقول بلا هبل وكل وحدي
    إتظلها ببيتها احسن !!
    الرسول وصانا على عدم تشبه
    جنس بلجنس الأخر !!!!

    • مش مهم |

      على اساس انك ماشي علدين يعني ؟؟؟؟؟؟ مشان الله !!!!!!!! جاااااهليييييين

  46. جتاوية | جت

    مسخررررررره قلة معرفه بدين بدون مقاهي ومش ملحقات علبنات وصبايا صياعه اي خافو ربكم بدل متعملو مقهى كان اعملتو بيت لمعرفة الديين وتوعية البنات علحلال وترك الحرام لو اعملتو اشي افيدنا بدينا وتربيتنا كان بنجح لعقولنا وقلوبنا بس للاسف فكرتكم بس لتخريب البنات ونساء

    • انا |

      انا حسب رأيي خليكي بحالك ! و تحكيش بل دين ! اتقس ربك انتي
      يا معقدة ! ربنا قال ممنوع نسوان يقعدو ب “مطعم” او كافي ” ؟؟؟ ههه تافها

  47. معجب بالصفحه | باقه الغربيه

    من المفضل ان يكون مقهى للنساء في البلد
    بدل من ان تخرج للبحث عن مقهى خارج البلد
    والله اعلم وازا تم فتح مقهى بتمنى يكون شروط لمحافظه على الدخول من قبل من سيدخل اليه

  48. غير معروف |

    والله هي القهوه مش عيب بس للزلام مو للنسوان قال عاملين حالنا عنا تحرر والله اذا بتوصل لقهوه للنسوان خربت وبصير عنا تدهور واذا بتعودن
    عالقهوه بدي اشوف كيف بدهن يطلعن منها بدون قهاوي اذا بتلاقين ثنتين في الشارع على الاغلب بنمين وبحكين علعالم فما بالكن لما يتجمعن بقهوه والله الا تصير اطوش الدنيا بين النسوان لانه بدهن يلتهين بالحكي الطالع والنازل وكمان الزلمه اللي بكون مبخفش عمرته او اخته بنته بيسمحلها تقعد عالقهو ه وكمان ملان اللي مجربات شو يعني قهوه مع جيزانهن اللي اتعودوا عليها يعني القهوه وبطلوا يطلعوا منها فما بالكم النسوان والله لليش ما يقعدوا الزلام في البيوت يا حلوات يكنسوا ويمسحوا وانتن احكمن الدور واسهرن علقهاوي اللي بدوا يحكي انو اللي حكت هدا التعليق معقده يحكي لانه والله الناس صار كل اشي عندهم مشقلب يعني الي بحكي الحقيقه بكون بتهبل واللي بيحكي الاشي المنطقي بكون بيتفلسف واللي بينصحنا باشي مليح بنقول عنه غيران……..والئ اخره

  49. ام عمر | جت

    السلام عليكم

    ان دور المراه في الاسلام هو تربية اولادها ورعاية
    شؤون بيتها ولا احد ينكر هذا الدور العظيم
    ولكن للاسف القليل من يطبقه ويدرك اهميته
    وكلنا نرى عواقب غياب هذا الدور على بناتنا وشبابنا من انفلات وانحلال
    فكيف اذا اوجدنا لهذه الام بديلا عن بيتها ومتابعة شؤون اولادها بحجة انه من حقها ان ترتاح وتلتقي بصديقاتها فتنسى ان لها اولاد وبنات عليها متابعة امرهم وخاصة في هذا الزمان الذي شاعت فيه الفتن ودخلت بيوتنا نحن المسلمين حينها ستكون طامة كبرى

    واخيرا استحلفكم بالله لو كان سيدنا محمد صلوات ربي عليه بيننا ماذا سيكون موقفكم
    فعودوا الى رشدكم والى اصلكم والى دينكم فلا تكونوا ضالين ولا مضلين

  50. معارض | باقه

    اتقواااا الله في اعمالكم!!! مالنااا صرنا بزمن يهووود …
    الله يرحم ايااامك ياا شيخ مجدي بس لونك تشووف كيف خربت البلد من بعدك!
    اصلن لو الاشي منيح ورح يفيد المجتمع كاان عملو مقاهي للنساء على زمن الرسول محمد صلى الله عليه وسلم مسالتوش ومسالتنش حالكن ياا نساء باقه ليش مكنش هاذا كلووو على زمن رسولنااا بدل ما ناخذ صفات نساء الرسول بدكن تقعدن بمقاهي ………………… انتن اماكنكن ببيوتكن لتعلمن اولادكن وتربينهم.
    عنججد ياا عالم اتقواا الله احنا مقبلين على ايام وشهر فضييل بلا هالهبل هاذااا!!!!!!!!!!!!!!!!!

  51. مجهول | باقة

    لكل المؤيدين والمؤيدات , اليوم فش امان , اليوم الحياة زي الغابة ,,,, اليوم الزلمي بخاف صاحبو او واحد من قرايبو يشوف مرتو حتى لو كانت بالشوارع لحالها مش بالقهوة . عشان هيك لازم الكل يعرف كدي الزلمي بخاف على عرضو .

  52. سعاد | باقة

    الاسم اللي برعب يعني قهوة للنساء هاي مصيبة اما بالنسبة لقهوة جان شموئيل لا تعد للنساء فقط يعني الطف اشوي تبقى الوحدة قاعدي هي وزجها مثلا هي وصاحبتها هي واختها يعني قهوة شاملة للكل لازم يحولوا المقاهي اللي في البلد الى مقاهي شامله وهيك بنحل المشكلة

  53. الحمد لله على نعمة الاسلام |

    يا عالم الفكره كلها ملبوسه بشياطين المرأه العفيفه الشريفه وقارها بيتها لشو هالفساد اتقوا الله وصاحب هالفكره مش خايف من رب العالمين بكره بتيجيه ضربه من الله راح توديه الهاويه ويوكلها ندم لانو راح يحمل سيئات بالملايين بعدد كل امرأه دخلت هالمكان.

  54. اختكم في الله - باقه الغربيه_ جت المثلث | جت _ باقه

    كل الاحترام لكل اخ واخت معارض ومعارضه … انتو جدعان ومحترمين وبتعرفو مصلحة اخواتنا ….. بوركتم واشكركم على غيرتكم وخوفكم على اخواتكم المسلمات

  55. رد لكل الي فايتين بفيلم |

    ليش لع ..
    ممكن في بنات بفكروا انها راح تكون زي اروما ومبسوطات بس الواقع بقول انها راح تكون مركز لتجمع الهمل من البنات من بلدان اخرى مثلا .. لو جلسه عائليه بنفهم اما قهوه للنساء …. قربتتتتتت

  56. اختكم في الله - باقه الغربيه_ جت المثلث | جت _باقه

    بصراحه انا بتأسف جدا على كل بنت وكل امرأه مؤيده للفكره…. بدكن تغيرن جو غيرن جو مع
    عائﻻتكن او اهاليكن او جيزانكن وبس … نصيحه لوجه الله .. ارفضن الفكره كلها يا بنات
    ….. الفكره سيئه … اللهم اني بلغت اللهم فاشهد

  57. رد لكل الي فايتين بفيلم | باقه

    لكل واحد بفكر بالموضوع انتو عايشين بفيلم .. لو في حدا ناوي يعرف انو لو عقطع روسنا مش راح يصير هيك اشي .. خلقه وضع البلد زفت وكل ما عبالو لورا وبدكم تغتحو قهوه للبنات اخرى .. لا والله زودتوها .. وين بدكم تروحو من ربنا .. والي بتقول بدا تساوي ومجتمع ذكوري .. احنا مسلمين وعرب اذا مش عاجبك اعتنقي دين ثاني ىو عيشي باوروبا مش تيجي تفرضي رايك بينا .. قولو الله

    • سالي |

      حبوبه …. انت تافها كتير ! و معقدة .. .. و عندك مرض نفسي !
      و !
      صح العرب بلبقلنش اشي ….. ! بضلهن كل حياتهن تحت 😉
      مش رح تصيرو راقيين و متفاهمين …..
      بس شاطرين ” قال و قلنا ….و فلانه ساوت و فلانه طلعت .”:-\
      و بتفضحو البنات
      مشان ربك تحكيش كمان مره … و ابعدي عن الدين ……
      مش كل واحد بدو يتحجج .. بتحجج بلدين .!

  58. اختكم في الله - باقه الغربيه_ جت المثلث | جت_باقه

    السﻻم عليكم ….
    اول اشي انا ضد الفكره نهائيا وبقوه
    بحب اقول لكل شخص معارض … كل الاحترام وبارك الله في كل معارض
    الفكره سيئه جدا وﻻ ارى فيها اي ايجابيات … فكره سلبيه
    تواجد الفتيات والنساء خارج بيوتهن لهذه الغايه الغير نافعه وغير مفيده سوف يسبب مشاكل
    كثيره ﻻ نهاية لها … مش بس قصة نميمه بس كمان بدكن يا اخواتنا تصرن تلتهين بهيك
    شغله فش منها فايده ويمكن تتعودن عالقعده هناك وكثرة الحكي عالفاضي وهيك راح يتم
    اهمال بيوتكن وواجباتكن وراح تهملن امور اهم بكثير وما تقلن ﻻ لانو اشي بجر اشي… لشو
    الفكره اساسا ؟؟ بدكن تغيرن جو مع صاحباتكن … اعزمن بعض في بيوتكن معززات مكرمات
    احسن مكان للبنت بيت جوزها او بيت اهلها وبسسس …. اما الفكره تبعت المقهى
    سيئه جدا وفاشله وراح تدمر البنات والناس والبيوت اكثر ما هي مدمره … اتقوا الله

    • سالي |

      اول شي بحب اقولك انتي وحدي جاهلي ..و بتفهميش
      و تاني اشي انتي معقدة !
      و تافها اكتر من اللازم يعطيكي العافي …..

  59. مواطن من كفر قرع |

    انا بعرفش على ايش كل هاد الجدال
    مقهى حكايه بكفر قرع مختلط
    مجموعة نساء + مجموعة أطفال
    مجموعة شباب
    عائلات
    زي اروما
    وين المشكلة

  60. بقاوية |

    اذا فتحوا مقهي للنساء في باقة معناها رح تخرب البلد، لانو بالفعل رح يصير بيت للنميمة وكل امرأة رح تلتهي عن بيتها وعن ولادها فحسب رأيي انو فتح مقهى رح يساهم في خراب البلد اكثر ما هيا خربانة

  61. קרנבט | באקה צפון

    יא בנאת אלחלאל אחנא אליום במוגתמע אסמו ראחת ועמלת וטלעת אסתרן עלא חאלקן ליש תא תרוחי עלא קפה קפה וילא מש עארף שו קעדת אלדאר אחלה אשי בעדין בדקן עסאה בין דלאעקן אלוחדה מנקן סארת תטלע עלא בנאת נאבלס וגירהן אנתן חדאראתקן וקיימקן בסמחלקנש בדאל מא תפקרן במחל ללקוראן לדרוס דין קפה בדקן אה אך עלא קרבאג טייב פקרו בלמודוע

  62. بينوكيو الاسد |

    وين المشكلة يعني ، شو يعني هي القهوة بيت دعارة ولا خمّارة ، النسوان بقعدن وبحكين بامورهن ، لليش الحُشريّة هاي والتضييق والتخلّف ، عاملين حالكم مسلمين وكلكم دين وايمان يعني !!!؟؟
    رسول الله عليه الصلاة والسلام كان ينادي عالخنساء ويقلها : أنشديني يا خنّاس .
    وين العيب بالموضوع بلا فصحنة لعنة الله عالحماقة والجهل بس !!

  63. بنت البلد |

    شوي لكل المعارضين يعني انو باقة بدون اشي للنسوان!
    طب انو لما تروحي انت وياها على كافي كافي ويلا قهوة چان شموئيل شو افرقت ويلا عند اليهود اشي وعند العرب اشي اذا انتُ مفكرين للقال والقولنا فالمشكلة عندكم مش كل بنت او مرة رايحة لهاي التفكير تبعك وتبعها المرة زهكت اشي اسمو دور اي قرف يقرف تفكيركم اطلعو على اهل نابلس واهل ام الفحم ومش عارفي مين بس انتو يا اهل باقة معارضين؟
    مجتمعكم مش مجتمع سامحوني

    • مضاف اليه | باقه الغربيه

      طب روحو شوفو رام الله كيف المقاهي فيها نيساء و رجال

  64. اتقوا الله. بلا هبل | هههه

    من دون قهاوي ونص نسوان باقه بتعاني مشاكل عائلية. كيف مع قهاوي ههه . انا مع الي حكو القهوة للنساء هي بيت نميمة

    • اختكم في الله - باقه الغربيه_ جت المثلث | جت - باقه

      احسنت بمعارضتك … بارك الله فيك

    • اختكم في الله - باقه الغربيه_ جت المثلث |

      بارك الله فيك ….كل الاحترام احسنت بالمعارضه

    • سالي |

      ما حدا مخربها غير تفكيركم انتو و هاي بلذات اللي عم بتعلق لكل المعارضين
      لنها تافها اكتر من ال لازم

  65. .. | باقة

    بعيد عن الموضوع ، مفكرتوش مرة انو باقة قهوة ومارق منها شارع
    وكثير بنات بستحين يمرقن من الشوارع لانو كل الزلام والشباب بكونوا قاعدين عالشارع ، وين حق الطريق ؟ مأصلا حرام انك تقعد عالشارع والرصيف تضايق الناس المارقة
    وانا بنت وشخصيا بتضايق من موضوع القهاوي وخاصة بمنطقة البريد ، اذا بدي اروح عمحل بلف من طريق غير لاني بستحي امرق من هناك
    يريت الاشي بتغير لانو موضوع القهاوي وقعدة الشباب عالشارع مش مناسبة ابدا
    عَنْ أَبِي سَعِيدٍ الْخُدْرِيِّ قَالَ: قَالَ رَسُولُ اللَّهِ صَلَّى اللَّه عَلَيْهِ وَسَلَّمَ:
    ((إِيَّاكُمْ وَالْجُلُوسَ فِي الطُّرُقَاتِ، قَالُوا: يَا رَسُولَ اللَّهِ, مَا لَنَا مِنْ مَجَالِسِنَا بُدٌّ نَتَحَدَّثُ فِيهَا، قَالَ: فَأَمَّا إِذَا أَبَيْتُمْ إِلا الْمَجْلِسَ, فَأَعْطُوا الطَّرِيقَ حَقَّهُ، قَالُوا: يَا رَسُولَ اللَّهِ, فَمَا حَقُّ الطَّرِيقِ؟ قَالَ: غَضُّ الْبَصَرِ، وَكَفُّ الأَذَى، وَرَدُّ السَّلامِ، وَالأَمْرُ بِالْمَعْرُوفِ، وَالنَّهْيُ عَنِ الْمُنْكَرِ))

  66. اسرائو |

    ههههههههههههههه بلشو يتهبلو … قهوه لل نساء يعني زيها زي طولكرم زي نابلس …. زي غيرها ليش مسموح تروح عناصره وليش نبعد ام الفحم … قهوه مش زي ما انتو بتفكرو ههخخهخهههههه زي القهاوي الي بشارع يعني من شو بتشكي اروما ويلا كفي كفي … لع هناك عند يهود ومحدا بحكي عن حدا …. والكل يسكت احسن لانو فيش حدا مفتش محلات هيك ويلا بس لانو رزقه لابن البلد وخلص هههه لا اله الا انت بس

  67. ساميه | بقاويه

    انو يكون في قهوه للشباب والزلام الكاعدين بنص البلد ٢٤ ستعه فيهن ويقلطو البنت من حد ما تمرك من اول الطريق لاخرها هاد مش حرام !! ابدا !! اري مره يفتحو هالموضوع ويناقشو الي قائم صرلو شنين بهالبلد..
    وين المساواه والعدل البنحكا فيهن .. ازا كان في هيك اشي بهالدنيا بنفتحو مقاهي بس للنساء .
    انا مع ومع. ويجرب حدا يفتح ثمو بحرف .. بشل عرظو.

  68. اتقوا الله | باقة

    اولا مجرد التفكير بالنقاش بهيك موضوع بدل قديش الوضع مزري ومثير للسخرية @@
    2. ليه ما يتتناقشوا باشياء مثل .. ليش كل متر بباقة في قهوة للرجال !!! لما انتو بدكم تمنعوا قهوة للنساء اسمحولهن يرحن ويجين عند صاحباتهن من الشارع على عنين الناس مش بالزقاقات !!!
    عشان اللي يشوفها يقعد يلت ويعجن !!
    غير هيك
    اي دين اللي بتحكوا عنه هو الدين مقتصرش ايللا بس عالبنات والنساء !!!؟؟؟
    واللي بعملوا الشباب بالقهاوي حلال !! لما تمرق بنت يعجبوا فيها ؟؟؟!!
    3. انت ما بتقدر تمنع اي بنت عن اي اشي !! ليه عاساس وجود الايفونات وشبكات التواصل بتقلل نميمة ويللا بتمنعها تعمل حرام !!@
    ” الشرع والدين والحلال والحرام والامر بالمعروف والنهي عن المنكر ”
    كلها اشياء لازم نفكر فيها بكل اشي مش نتوجهلها لاشي وننساها قبال اشياء ثانية !!
    انا مش مع الفكرة
    بس لازم تفهموا انه الدين بنفكر فيه بكل خطوة بحياتنا مش اشي مؤقت بس عشان احنا شايفينو غلط
    ومتنسوش انه احنا مجتمع عيب مش مجتمع دين وشرع
    لهيك محدا يحكي بالدين وهو نفسه ملوش اي صله بالدين !!

  69. فتاة من باقه |

    انا مع الموضوع وبالعكس هاد اشي كتير كتير حلو وهاد الاشي ناقصنا في بلدة باقة انا شخصيا لو بمقدرتي افتح مقهى مثل هاد كنت فتحتو من زمان لانو احنا النساء في باقة فش اماكن نروحها ونوخد راحتنا فيها بالعكس مقهى متل هاد وبالذات اذا كان مجخصص برضو للاطفال والامهات رح يكون اشي روعة .
    بعدين انتو يلي بلشتو تسبو وتتفلسفو بالحكي مين احسن النساء يقعدن بمقهى يكون مسكر نساء لحالهن ولا قعدتهن في المنتزة الي خلط بلط .
    ولا روحتهن عجان شموئيل عمجدونالز كل ما تمرق من هناك بتشوفهن قاعدات سجلنو عاسمهن
    انتو اسمعتو كلمت مقهى انجنيتو اذا الاسم مش عاجبكم بلشتو تفكرو قهوة وارجيلة والى اخرة …..
    لازم نكون متحضرين شوي بعيد مش شرط اذا قعدن تنتين نساء معناها لازم يكون في مقالات ونميمة يمكن انتو لرجال هيك بس احنا لع انتو اذا قعدتو بتخلوش وحدي بتجبوش سيرتها .
    انا مع الفكرة ويسلم ثم الي اقترح الموضوع.

  70. تالين |

    هدا اللي كان ناقص
    مشان القيل والقال واﻻشاعات تكثر اكتر ما هى منتشرة هسا
    وما تضل وﻻ وحده قاعده بدارها واوﻻدها مشردين وراها من دار لدار ومن حارة لشارع

  71. حسب راي اكيد لع | باقة الغربيه

    لع اكيد . لانو شوفو حالة الاميات اليوم .
    بدون مقاهي ومش فاضيات لاولادهن وجوزهن ودارهن !
    كيف لعاد مع قهاوي !!
    ومن ناحية حلاال وحرام هاظ الاشي اكيد حرام

  72. مواطنه |

    مجتمع ذكوري بحت !وين المشكله بقهوة نسوان ؟
    لما نسوانا بتروح تقعد بقهوة بجان شموئل او بالضفه بنابلس او غيرها
    كلشي عند المجتمع الشرقي مشقلب -____-

  73. انا من باقة |

    محدا يعمل حاله ابو لحيه!!
    اسا مسموح تروح انت ومرتك ع قهوه برا البلد وهو محدا منتقدكم !!
    وممنوع تروح تقعد بقهوه للنسوان !!
    والله انكم موجهنين ومحبين للمظاهر !!
    انا مع ويلا افتحوا والشاطر يتعدى

  74. الامر بلمعروف والنهي عن المنكر | باقه

    الزلمي يفتح قهوي للنساء بلبلد ويشوف شو راح يصير منوقفلهم بلمرصاد هلخونه قطع رقاب بإذن الله عالم خرباني مش مكفيكم الخراب الي بلبلد بدل ما تحاولو تصلحو باقه الي كانت احسن بلد الله يرحم

    • اختكم في الله - باقه الغربيه_ جت المثلث | جت المثلث

      كل الاحتراااااام…. جدع يا اخي روح الله ينور دربك ويرفع شأنك بالدنيا والآخره … الله يكثر من امثالك … للاسف يلي مثلك قﻻل
      … بارك الله فيك … رجل حقيقي …. انت فخر للأمه …. الله يرضى عنك ويرضيك مين ما كنت الله يجزيك الجنه ….. شوفووو تعليقو يا عالم … يا هيك الرجال يا بﻻ … الله يحفظك ويكثر من امثالك اخي … انا شخصيا بحس بأمان
      لما بشوف انو لسا في هيك رجال حقيقيون يخافون ويغارون على اخواتهم المسلمات

    • محمد |

      مالك؟؟؟ شو خونه وقطع رقاب, باسم مين بدك تقطع رقاب, بغض النظر ايش انا رايي, وانا ضد اشي من هالنوع, بس اخوي مش هيك العالم بتحكي, ومن تحت راس هذا التفكير خربت سوريا العراق افغانستان وكثير بلاد, انت واجبك تنصح العالم, بس الرسول قلك لا اكراه بالدين, ما قلك قطع رقاب, لانه بتحكي انت عن قطع رقاب ناس من باقه جاري وجارك , فحكيك بخوق , وبنصحك اتفكر اكثر بطريقه نظرتك للحياه, الاسلام دين حنيف بس للاسف الناس اللي بحكوا بطريقتك بخوفه, وبخربه صوره الاسلام بين المسلمين وبين الكفار, الله يهديك حاول ما تقطع رقاب بباقه الله يوفقك ويهديك ان شاء الله.

  75. بلال ابو حسين | باقة

    فكرة مدسوسة برايي وهل ما ينقص بناتنا واخواتنا الفاضلات اليوم فقط مقهى يجلسن فيه اذا كان الرسول قد نهي عن جلوس الطرقات للرجال فما بالك اخي بجلوس النساء عالطرقات وهل هذه هي مهمة المراة في المجتمع ……..الام مدرسة اذا اعددتها اعددت شعبا طيب الاعراق ….. اتقوا الله في دينكم وفي نساءكم وبناتكم ومن يسمح لزوجته او ابنته ان تجلس في مقهى حتي ساعات متاخرة من الليل هذه فكرة دسيسية ادعوا الله ان لا ييسر لها طريق حفاظاً علي سمعة وطهر اخواتنا

  76. وحدة | باقة الغربية

    نعم اوافق لاننا نجتمع فيها مثل الرجال وهذا لا يعني شئ خطأ بل صحيح لكي تجتمع كل نساء باقة في المقهى وهذا شي ليس حرام لانه للنساء فقط

  77. مسلمه وأفتخر | بلاد المسلمين

    المكان المناسب برأيي للمرأه هو بيتها فقط فلماذا تجلس بالمقهى لأي سبب لا ديننا ولا اخلاقنا تسمح بذلك

  78. مسلم |

    السلام عليكم
    ان طرح مثل هذا الموضوع او التسائل هو بحد ذاته فتنة واتمنى من ادارة الموقع ان تفحص وتعرض راي الشرع اولا بالنسبة لهذا الموضوع قبل ان تسال عن راي الجمهور.
    وشكراً 

  79. بعدين |

    هذا الي ظايل السؤال على زمن الرسول كان مقهى للنساء ولا كان مقهى للرجال. يا عمي مشان الله اصحوا اصحوا. الاسلام هو الحل. وين الدين وشو بقول الدين محدا هامه صار الموضوع نعم ام لا. مع الاحترامي. قمه في الغبا ء والوباء صار عنا

  80. جت | جتاويه

    مسخررررررره قلة معرفه بدين بدون مقاهي ومش ملحقات علبنات وصبايا صياعه اي خافو ربكم بدل متعملو مقهى كان اعملتو بيت لمعرفة الديين وتوعية البنات علحلال وترك الحرام لو اعملتو اشي افيدنا بدينا وتربيتنا كان بنجح لعقولنا وقلوبنا بس للاسف فكرتكم بس لتخريب البنات ونساء

  81. لا | باقة

    المَقْهَى : مكانٌ عامٌّ تقدم فيه القهوةُ ونحُوها من الأَشربة.
    تطورت الاوضاع في المقاهي وصاروا الناس يدخنوا ويتحدثون مع اصدقائهم.
    فاذا فُتحَ مقهى للنساء طبعا سينتشر فيها الدخان.
    خروج المرأة يجب ان يكون لحاجة مهمة، قال الله تعالى: ((وَقَرْنَ فِي بُيُوتِكُنَّ)) [الأحزاب: 33]
    فاذا كان خروج المرأة للتحدث مع صديقاتها فلا يجب ان تذهب الى المقهى، يوجد هاتف وشبكات تواصل اجتماعي ويمكنها الذهاب الى بيت صديقتها.
    فأنصح ان لا يُفتح مقهى للنساء، فهذا يضر بنساء البلدة، الافضل ان يختار الشخص الطريقة التي تنفع اكثر من الاخرى.

    • اختكم في الله - باقه الغربيه_ جت المثلث |

      احسنت بارك الله فيك وجعلها في ميزان حسناتك

    • اختكم في الله - باقه الغربيه_ جت المثلث |

      احسنت بالمعارضه… بارك الله فيك

    • نسرين | باقه الغربيه

      والله العظيم عيب اي مره بتفكر تقعد بمقهى مثل اﻻزﻻم ، وهاي الكلمه بحكيها لكل مره بدها تقعد بمقهى ،اذا مش امفكري بحالك او بولادك فكري كل زلمه بدو يمرق عن المقهى بدو يبزق وسبكن ولعنه كمان اااااا والعالم شو بدها تحكي عن نسوان باقه والله فظيحه عيب والله عيب