شاركونا بأخباركم! اضغط هنا ...

مفتول البرغل

محرر الخبر: موقع هسا | تاريخ النشر: 9 يونيو, 2014 | القسم: مطبخ هسا

hasa-1 

مفتول البرغل

الطريقة : أول شي بنسلق الجاج ونضيفلو ملح وفلفل اسود وورق غار وبنخليه عجنب بعدين بنجيب برغل ناعم وبنحطه بطنجرة وبنحط عليه مرقة يا دوب تغطيه شوي وبنحطو عالنار بس لبين ما يشرب المرقة ويتفتحو حباتو بعدين بنجيب المفتولية أو مصفاية المفتول وبنحط نصو فيها وبنحط دقة المفتول وهي عبارة عن بصل مقطع مكعبات وفلفل اخضر وفلفل شطة وجرادة ناشفة وجرادة خضرا وملح وفلفل اسود وكمون وبنهرسهم في بعض منيح او بندقهم بالهون لحتى يدبلو وبنحط عليهم شوية زيت زيتون وبنحطهم فوق البرغل وبنحط النص التاني من البرغل وبتركهم يتهبلو تقريبا ساعة وهيك بيكون استوى البرغل بنخليه عجنب وبنحط عليه معلقة سمنة وبنتركو شوي وبنعمل اليخنة وهيي عبارة عن بصل مقطع جوانح بنقلبو في شوية سمنة وبنحط حمص حب وبنقلبو معو شوي وبعدين جزر وبطاطا وقرع وفلفل اخضر او فليفلة وملح وفلفل اسود وكمون ومعلقتين صلصة وبنطبخو بمرقة الجاج لحتى يستويي وبالاخير بنزين المفتول فيه وبنحمر الجاج وبنحطو عليهم وصحتين وهنا

 

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.

التعليقات (1)