شاركونا بأخباركم! اضغط هنا ...

جهاد سلامة : كيف لبلد مثل باقة ان تسمح بتشويه اسمها من قبل بعض الشبان ؟

محرر الخبر: موقع هسا | تاريخ النشر: 30 مايو, 2014 | القسم: الأخبار الرئيسية, الأخبار المحلية

جهاد سلامة : كيف لبلد مثل باقة ان تسمح بتشويه اسمها من قبل بعض الشبان ؟؟
بدأ السيد جهاد سلامة حديثه بغضب شديد حيث بدء يتذمر من كل شيئ حدث في ذلك اليوم في شارع باقة الغربية الرئيسي .

jehad

لقد اصبحت معلم في احد مدارس مدينة اللد , وانا ايضاً منسق الرحلات التي تجريها المدرسة , ومن ضمن حرصي على بلدي باقة قررت ان تمر الباصات من وسط الشارع الرئيس في باقة وان نقيم استراحة بالقرب من بونجور والتجول في شوارع باقة والتسوق من محلات باقة الغربية لكي نكسب اصحاب المحلات فالصيف هو مصدر رزق كبير بالنسبة للمحلات التجارية في الشارع الرئيس في باقة .

وهنا بدأت المشكلة , حيث بدء زعران باقة بالاتصال باصدقائهم واخبارهم ان هناك باصات لرحلات في باقة بجانب بونجور , وما هي الا دقائق وقد بدأت سيارات الزعرنة تمر بجانبنا يساراً ويميناً واصوات الموسيقى المزعجة تعلو في الشارع الرئيسي , وعدا عن ذلك بدأ بعض الشبان التافهين بتسميع بعض الكلمات للفتيات اللواتي هن بناتنا واخواتنا الامر الذي جعل بعض الفتيات يعدن للباص من الخوف وقمن باخبار المدرسين عما حدث ولذلك لن ينزلن للشارع .

وفي اخر المطاف وبعد ان قاربت الاستراحة في شوارع باقة على الانتهاء , كان هناك الحدث الوقح من قبل احد الزعران الذي حمل بيده حجر والقاه على الباص بكل وقاحة ولاذ بالفرار هو واصدقائه الزعران .

هل مثل هذا العمل يليق بمدينة مثل باقة الغربية ؟؟
هل مثل هذا العمل يقوي السياحة والتجارة في باقة ؟؟
هل مثل هذا العمل لا يضر باصحاب المحلات في الشارع ؟؟

ومن هنا اتوجه لكل المسؤولين عن تنظيم وتحقيق القانون والنظام في باقة ان يقوموا بواجبهم تجاه مثل هذه الامور التي تسيء لاسم باقة بشكل خاص .

جهاد سلامة 

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.

التعليقات (63)

  1. وحدة |

    اولا كانوا لازم يحطو صورة شباك الباص المكسور ليثبت كلام الاستاذ ..
    وثانيا كان لبس البنات محترم ك اي لبس بنات !!!
    الاولاد يلي ما احترمت حالها واتولندت وتزعرنت لتورجي حالها … هم بقمة الوقاحة
    الله يهديهم … لو شي صار مع اخواتهم لقوموا الدنيا وقعودها ..

  2. زعرة محترمة | باقة الغربية

    شو يعني صار يا عالم هدول ولاد صف سادس وسابع جاهلين يعني مش لازم نضخم القصه هلقد كل واحد يربي ولادو على الصح والغلط ويعمل الي عليه..وانشاءالله تكون بلدنا رمز المحبة والسلام لانو اهل باقة مش هيك

  3. غير معروف |

    علئ فكره انسيت احكي انو بالذات اغلبية الناس في باقه وكمان جت ناس جدعان وفش زيهم يعني اذا مشيت في هالبلدين بتحس انك بين احسن ناس وصدفه انو حدا يضايق حدا وهدول الشباب اللي حكا عنهم هذا الاستاد قلال كثير وانا لما حكيت حكيت عامتا عن الوضع اللي احنا فيه بهدا الزمان وعالاغلب اذا كان الحكي صح اذا فيه منه فاهل باقه ما بيرضوا بيه لانه الشرف والنخوه بيجي من عندهم

  4. باقة | باقة

    وبعدين معكم القصة كلها كذب والقصة خلصت اما انتو الي مكبرينها خلص مصرش اشي كل بلد بتصير فيها مشاكل وهاد الاشي مبيخربش سمعة بلدنا بخرب سمعة بلدهم لانو احنا ادا رحنا على بلد بنروح وبنروح باحترامنا اما همي الي جابو لحالهم المشاكل،همي بكوش مصليين عالنبي مشنهم شافونا محترمينهم كبرو راسهم،يحمدو ربهم الي صار بس هيك

  5. غير معروف |

    والله هسا صار الحق بس علئ الشباب بس اما البنات لا يا حرام الوحده زي البسه المغمضه مبعملنش تصرفات مش كل هالقد وعلئ فكره انا ما بحكي علئ بنات اللد بس انا بحكي عامتا لانو متاخذونيش بس اليوم اغلبهن لابسات حجاب بس زينه وكمان الشباب بنلاموا لانه شباب اليوم مش زي شباب زمانن الجدعان اغلبهم عينيهم زايغه

  6. $$$ | جت المثلث

    مساء الخير للجميع
    1. هذه الاعمال تحدث في كل بلد. كل بلد فيها ” ناس تعبانة “.
    2. من المفروض على كل شخص فينا ان يحترم غيره بغض النظر عن جنسه, لونه, دينه, بلده, وملابسه.
    3. اذا سقط الاحترام سقط معه كل شيء.
    4. هؤلاء ” القلة القليلة ” برأيي لا يمثلون بلد بكاملها.
    5. من واجب الجميع ان يعمل لاجتثاث مثل هذه الاوبئة والآفات من مجتمعاتنا.
    6. الامر مخجل جداً أن نزور مدن وقرى عربية داخل هذه البلاد ونتعرض لمثل هذه التصرفات.
    7. الفتاة الغير محتشمة ايضاً لها ان نحترمها وندعو لها في سريرتنا ان يهديها الله.
    8. اين النخوة والرجولية يا شباب عيب عليكم اذا دينكم مش مانعكم وين شرفكم وشهامتكم.
    9. بهذه التصرفات تسقطون من نظر الجميع وخاصة الفتيات اللواتي تعاكسوهن.
    10. اتقوا الله في أنفسكم وفي الآخرين.
    11. لأهلنا في اللد لا تكترثوا بما حصل فأهل باقة جت والمنطقة يرحبون بكم متى جئتم لكم الصدر ولنا العتبة.

  7. ابو جميل | باقة

    نبدأ كلامنا بالإعتذار منكم أهلنا وبناتنا وأخواتنا أهل اللد الكرام … ومن ثم نقول لكم وطئتم سهلا ونزلتم أهلا وأنتم الأهل ونحن الضيوف .. ونتوجه الى بلديتنا بوقف مثل هذه المهزلة التي تتكرر في شارعنا الرئيسي واجهة باقة للخارج .. ونطلب أن تقوم الشرطة البلدية ، التي فرضت على بلدنا لأسباب نجهلها ، بواجبها وليس فقط تحرير مخالفات فليس لهذا أقيمت …. ومن جديد نقول لكم أن باقة مدينة مرحابة بالضيوف وأهلها الأصليين أصيلون ولكن هنالك من يشوه هذه الصورة وبقصد الإضرار بباقة وأهلها … فلكم منا الإعتذار وأهلا وسهلا بكم ، وإن ضاقت بكم شوارعنا بسبب وقاحة شباب طائش فبيوتنا مفتوحة لكم لنريكم كرمنا وأخلاقنا

  8. وسيم بنجور | باقه

    للاسف الشديد انا مش عارف شو اقول بس اللي بقولو جهاد سلامه صح 100% انا شفت شباب من بلدنا بتفلتوا علی الطلاب باب المحل عندي وانا اطلعت وحمشت بينهم واصلحتهم.
    وانا بقول انو الحق مش علی البنات في كثير بنات بقين مدينات .
    بعدين لو في بنات مش مدينات مش لازم نعمل هذه العمل.
    بتمنا ما نشوف هيك اشي كمان مره.
    وانا بقول مثل هذا العمل بخرب علينا علی صحاب المحلات التجاريه

  9. مش مهم | باقه

    هسا الكل صار فصح وصار يحكي علبس الصبايا الي واشي بقلك لبسهن بخلي الحمير تناهك وانا بقلك انه اغلب الشباب بتناهك بدون لا تشوف لبس وبحب اقول لشباب باقه خليكم جدعان زي ما معروفه باقه وسيبكم من الولدنات

  10. محمود غرة |

    السلام عليكم
    اخ جهاد موضوعك مش جديد انا كمان مركز رحلات ومررت بهذه التجربة مع مجموعة في مدينة باقة وقد تهجم احد الصعاليق على احد طلابي
    فمنذ ذلك الوقت لا ادخلها مع رحلات

  11. واحد | باقة

    السلام عليكم
    امبيرح باليل انا واصحابي بكينا مارين مارين من حد باص من اللد كمنا سالنا شاب من وين انتو كلنا احنا من اللد كلنالو اهلا وسهلا فيك في باقة كام اجا المعللم صار يكولنا روحو من هين رحن كامو اجو ولاد من الباص وصاروا يتفللتوا علينا كمنا احنا صرنا نتصل وبكينا بدنا نكبر المشكلة بس اجو الزلام وهدونا وضلينا ماشيين بطريقنا ورحنا علمنتزه كام الباص مرك عنا والشباب الي في صاروا يعملو حركات مش مليحة فاحنا اعملنا حالنا مش شايفينهم ورحنا اما الي بقولو جهاد انو احنا باكيين لاحقين بالسيارات كدب اصلن احنا صف عاشر ومعناش رخص يعني ووالله ما راجدنا عحدا ولا احكينا مع بنت فبتمنى يعني انو الواحد قبل لا يحكي الكلمة يفهم القصة مليح بالاول .

    • قتيبه عرو |

      اذن لست انت المقصود بالكلام…
      بل بعض الشباب الازعر…
      كل الاحترام !

    • מיסא | באקה

      בתהמש יכוי מהו קלשי הון משקלב ביגי בלעקס בחקמו עלאשי והומי מש דאריין שו אסמיהם אסלן קתיר סארת קסס בבאקה וקלהא קזב בס בחבו יקברו ועלא פקרה מלאן מן לבלד בקולו אשיאא בתשויה סמעת לבלד ובקונו הומי לסבב

  12. محمد زياد الشمالي :) | الرملة واللد

    وقال شوو احنا عرب وبدنا دولة يا عالم الي ما بيحافظ على عرضو ما بيقدر يحافط على ارضو اختي واختك واخوي واخوك كانوا ليش هيك تصرف وما حدا من الرمله واللد راضي عن هيك ايشي والكل زعلان من هيك عمل:( ومع هيك راح نرجع على باقا وندور بشوارعها ونتمنى ان لا تتكرر مثل هذه الامور لانو لسا باقي شوية شوية حسن ظن في اهل باقا
    :)

  13. محمد مخ | باقة

    اخ جهاد احنا بنرفض هاظ الاعتداء بغض النظر عن تصرفات اي حدا من اللد ومنقدم اعتذارنا عن تصرفات الشباب ذوي العقول المريضة بس بحب اوضح انو الاعتداءات هاي لا تقتصر على البصات اللي بجين رحلات عباقة من خارج باقة وبرضو بنات من باقة بتم مضايقتهن من قبل شباب بلدهن واحنا بنعتذر لضيوفنا باللد بنقلكم مش هاي الصورة اللي بنحب نستقبل فيها ضيوف من خارج باقة ……

    • قتيبه عرو |

      دائما هناك الجيد وهناك السئ…
      نأمل ان تبقى باقه وجت وجميع البلدان العربيه باحسن حال… وان نقدم صورة حسنة تعكس مبادئنا… وليس فقط اقوالا تنافي افعالنا!

      بوركت !

  14. جهار | ن

    انا ما حميت على اهل باقه انا بحمي مشان المصلحه العامه وبعرين انا بحب احكي للجميع انو90%من البنات لابسات شرعيى بعرين لو مش ابسات زي ما بتحكو ﻻزم يكون هيك تصرف لازم نحترم كل الناس انتو انتو اهل الكرم ومرينة السلام وباقه مرينه راقيه وعريقه يجب منع هزه الظاهره انش

  15. מיסא | באקה

    תסרף לא טוב בכלל מן ששבאב לבלד בס ברדו לו הני עקול אלי שאפו בתקהקהן וסותהן מעבי למטעם אז מחדא יתפלסף איי שב באיי בלד בס ישוף היק בנאת ביגי טואלי לו הני אחתרמן חאלהן מחדא באזיההןן דאימן ביגו טלאב מן קל לבלאד ליש מחדא בדאיקהן לאנו יבקין לבנאת מחתרמאת אנא ען נפסי קתיר בשוף טאלבאת וטלאב בנזלו ענד בנגווור ומחדא בסכא יעמלהם אשי …….. חסב ראיי לגלט עלא לטרפייןןןן

  16. بيادسه |

    اعتذر لطلاب مدرسة اللد عن ما حدث .. واقول لكم هؤلاء ازعران لا يمثلونا .. لطالما مرت الباصات وجعلوا من بلدنا استراحه ولم نسمع عن هذا سابقا .. شبابنا لبس كذلك وديننا ليس كذلك .. والى الشباب الذين قاموا بذلك اولا دينا ما بقول هيك ودينا ما بسمح تعملوا .. والي بيجي ببنات العالم وشرفهم هاظ مش بني ادم شريف ولا زلمه اذا مفكرين حالكم زلام .. كنت بتمنى اكون هناك مشان تشوفو الوجه الاخر والحقيقي لشباب باقه .. اقبلوا اعتشاري ولو انه لا يكفي وبحاجه لاعتذار من قبل رئيس البلديه للمدرسع وطلابها .. ولا تترددوا بالمجيء لباقه مره اخرى لتروا الوجه الاخر لبلدنا .

    • محمد زياد الشمالي :) | الرملة واللد وباقا

      بيادسه الله محي اصلك يا طيب

  17. باقتي احبك | باقه

    اهلا بكل الزوار من كل البلاد نرحب بكم ببيتكم باقه
    اقول وبألم يؤسغني وجود مثل هؤﻻء الشباب الذين يركضون وراء اهوائهم دون اكتراث باي احترامات واخﻻق لزوار البلد ويظنون ان البلد ملك لهم يفعلو ما شاءو فيها ولو علمو ان هناك من يلوي رقابهم على مثل هذه الافعال ما تجرأو على فعلها فلتكن هناك جهه تحمي هؤﻻء الطلاب الزوار ان كانت الشرطه المحليه فلتكن او تنظيم منظمين من قبل البلديه او حتى اصحاب المحﻻت تقو برعايه منظمين مقابل اجر من اجل استئصال الظاهره فابن المحدا بظله محدا وﻻ رادع له ﻻنه ربي عهالحال

  18. رامي عنابوسي أبو عبيدة |

    ماذا جرى لك يا شعبُ ويا شباب ويا صبايا .. جعلتمونا نشتاق للعائلية الأولى؟!

    نشتاق حقا كما قال قبل أسبوع تماماً فضيلة قاضي المحكمة الشرعية محمد أبو عبيد إلى العائلية الأولى، عائلية أيام زمان، عائلية “العاقلة” حين كانت العاقلة التي ينتمي إليها الفرد تتحمّل تبعات جرائمه ومخالفاته فتدفع عنه الديّة، فكانت مثلما تقف إلى صفّ أفراد عائلتها وتساندهم فقد كانت لها سلطة على أفرادها، لأن العار الذي يجلبه فرد والنقيصة التي يرتكبها كانت تحتمل تبعاتها عائلة بأكملها فكانت العاقلة توقف الفرد عند حدّه وتلجمه لأنه لا يمثل نفسه فحسب بل يجلب بفعله العار له ولغيره.

    كان كبار العاقلة يحاسبون الفرد والبيت والفرع ولا يجرؤ أحد، على عكس ما عليه بعض شباب وكهول اليوم، على قول “ما حدا إلو عندي إشي” أو “ما حدا يتدخل فيي” أو “أنا حر وباعمل اللي بدي إياه”!

    لا يا حبيبي، أنت جزء من عاقلة وجزء من مجتمع وجزء من بلد ومش على كيفك .. والولد العاطل بيجيب لأهله المسبّة وما مقالة السيد “جهاد سلامة” إلا مثال لما يجلبه المسيئون لبلد كامل!

    فيا شاب ويا شابة .. أنتَ وأنتِ جزء من مجتمع ومن بلد ومن عائلة .. عندما تقع في مصيبة أو مأزق فإنّك تتوقع أن يقف أهلك وبلدك ومجتمعك إلى جانبك .. فكما أنك تتوقع ذلك منا وحُقّ لك ذلك، فلنا في المقابل حق عليك أن لا تجلب علينا عاراً ولا مذمّة ولا معرّة.

    لست حرا يا أخي ولا أنتِ يا أخيّتي ..

    إنكم لم تعودوا صغاراً، وإنّ مجتمعكم وأهلكم لينتظرون منكم ردّ الجميل بأجمل منه، فلا تكونوا ناكرين جاحدين لأنه لا يتنكّر للجميل إلا عديم أصل وفصل، ولكنكم تنتمون إلى الأصل الأصيل فدينكم الحق أعظم دين ونبيكم الكريم أعظم نبيّ وعروبتكم أصيلة الخلق والمروءة!

    • $$$ |

      يسلم ثمك يا اخ
      كلامك درر وجواهر
      يا ريت الكل يستفيد منه ويفهمه

  19. اخر البلد حكيك كذب | باقه

    السلام عليكم انا بدي اعلق علي صار امبارح وعن الحكي الكذب الي بنقال عن شباب باقه والي قاعد بوسخ سمعتهم كل الحكي الي قالو جهاد سلامه كلو كذب لانو انا واكمن شب كنا بطريقنا لمنتزه باقه وشاهدنا باصات الد وهي تخرج بامان ولم يكن احد لاحقا بها ولم تكن اي سياره او اي شاب بلحاق بلباص الد وكل حكي جهاد كذب ولم يرمى اي شيىء على الباصات ولا حتى ذرت رمل وارجو التحقق من كلام الي بتقولو قبل متنشر هيك مقال وبنات الد دخلو البلد بامان وطلعو بامان وما حد حكالهم شيىء ويا جهاد لا توسخ سمعة شباب البلد بحكيك الكذب وان مش عاجبك باقه روح شوفلك بلد ثاني توقف بي

    • بنت من المدرسة | اللد

      يا روح امك الحكي ميش كذب انا كنت بالباص وعند الشباك ايلي نكسر وفي صار حالات اغماء

  20. حسام مواسي | باقه الغربيه

    ان من يستحق النقد يا اخ جهاد سلامه هم اهل اللد والرملة واحنا اهل باقه متساهلين معهم كثير انا اكثر الناس تجولا في الشارع ما أشاهده من تصرفات غير لائقه من بناتهم من لبس وصقاعه وزناخه وقلة أدب لم تشاهده انت لانك معني بالأساءة لبلدك أيعقل ان تتجول البنات مع الشباب في محلات الشارع الرئيسي وكل بنت بتختار شاب من قبل النزول من الباص وبدي اعطيك مثال بالنسبه للبنات كل بنت واطيه ورخيصه وقليلة أدب وأخلاق وفش عندها دين تصبح فريسة لكل شاب وينظر اليها كل شاب مش بس في باقه في كل مكان في العالم وهذه ايضا رسالة الى شباب باقه اعلموا انكم مراقبون في تصرفاتكم وهناك مجموعة تتجول في الشارع مكونة من مجموعة مشايخ احذروا الفوضى احترموا الغرباء تعاملوا مع الناس بأدب واحترام لانه هناك الكثير ممن يتربصون لتوسيخ سمعة البلد وسمعة البلد من سمعتكم كما ونطالب شرطة البلديه بتكثيف دورياتها امام المحلات وبالذات محلات الحلويات لترتيب امور السير والمحافظه على بناتنا وشبابنا وأتاحة الفرصه للزائرين بالتمتع والتسوق في باقه مدينة السلام

    • محمد زياد الشمالي :) |

      الله يسامحك … :) طيب اعتبرهم ضيوفك من اي بلاد وفرجيهم مبادئك واخلاقك الرفيعة مش يمكن تأثر فيهن وتغير وبعدين الناس مش مظاهر وعلى سبيل المثال هاي الشباب الي عملوا هيك عمل مظاهرهم فخفخة وجخة وطول وعرض ويا خسارة على تش مفشششششششش

  21. ابو مخ |

    للسيد امن باقة … يعني لو بنات باقة موجودات برحلة باللد ولا بحيفا ولا بيافا … يعني بقعدنش يتصورن وبقعدنش يعملن اصوات وحركات ؟؟؟؟؟؟؟؟؟؟؟؟؟
    يا عمي ليش بتلومو عالبنات
    الجماعة طالعين رحلة ومعروف بكل المدارس وبكل الاجيال انو بالرحلة المدرسية الشباب والصبايا ( بفيعو ) لليش بدنا نعمل حالنا انبيا وانو الغلط مش منا
    ” نَعيبُ اَلناسَ والّعيّبُ فينا “

  22. يوسف طالب من المدرسه | اللد

    انا لم اتوقع تصرف زي هيك من البلد العربيه المحترمه حسب مانتو بتحكو انا بحكيش انو كل باقه ناس مش مناح لا في ناس محترمين بس الي عملو الشباب انا لم اتوقعو والشباب الي عملو هاض الاشي فش عندهم خوات مثلا وانا متاكد ولا حد من الشباب الي عملو الاشي هاض تكون اختو لا سمح الله بهيك موقف الله يهديك ويسمحكو انتو شباب المستقبل ازا راح اضلو زي هيك معناتو راح المستقبل !

  23. אבו מוך | باقة الغربية

    انا نفسي افهم شغلة وحدة من التعليقات …. في ناس بعلقو هون وشكلهم مش فاهمين الخبر
    ١- الي بلومو بالاخ جهاد … الاخ جهاد تطرق باول الخبر ان باقة بلد طيب وبلد محبوب وهو شخصيا يحب باقة ويحرص على باقة وبدا حديثه بطريقة حضارية وطريقة جميلة جدا …. ( يعني بالعربي الزلمي ماجرمش )
    ٢- اللذين يحملون الذنب على الفتايات ويدّعون بالتبرج وان هذا الدافع الذي يدفع الشباب لمثل هذه الافعال .. احب ان اقول لهم ان هذا تفكير متقوقع … لانه وللاسف الشديد حتى هذا البلد يوجد به جميع الانواع والاشكال من الملابس … فيجب علينا كما نحرص على الفتايات في بلدنا الحبيب يجب علينا ان نحرص على الفتايات في كل مكان ….
    ٣- يا ريت قبل ما نهاجم ونقول انو باقة بلد بتجنن والاخ جهاد بس بدو يوسخ سمعتنا يا ريت كل ابو يحاول يتفرج على سيارة ابنو لو مرة بالاسبوع ويسالو يابا لمين ال מערכת الي بسيارتك يابا وشو بتعمل فيها بالبلد …..ويا ريت الشباب تبلش تستوعب انو كل واحد عندو اخت وام بالدار وزي ما بحرص عليهن لازم يحرص على بنات الناس

  24. *_* | من باقة

    انا كنت بالمطعم والبنات كان لبسهن بالزبط مثل لبس الكفار وصوتهن عالي وكل المطعم سامعهن وطلعن للشارع يتصورن selfie (صور شخصية).
    فهذا الاشي اكيد بدو يخلي الزعران ….
    لو هن لابسات مثل الخلق والناس وصوتهن مش طالع كان لا حدا اتصل ولا حدا اجا !!

    • غير معروف |

      شوية احترام اللبس كان محترم والاغلب كان حاطط عراسو انا كنت لابسة لبس كامل وواحد زتلي كلمة يعني اللبس مدخلوش الوقاحة وقاحة يا بنت باقة

  25. بنت المدرسة | اللد

    للاسف انا بنت من اللد وانا كنت بالباص ايلي تم الاعتداء عليه (يعني ايلي كسرو الشباك واحنا جواتو) وصار اكتر من حالة اغماء ورعب عنجد ااسف على هذا المجتمع للاسف جيل ضاع في تفاهات واصبح اتفه من التفاهة

  26. ابو جميل | باقة

    هذه مأساة شعب بأكمله…جيل أضعناه وسيضيعنا… جيل وقح لا يردعه رادع ولا يستوقفه الشرع … بالأمس أغلق الشارع الرئيسي لساعات عند مسجد ابي بكر لبس لأن جيوش المسلمين مرت من هناك ولا لمبايعة الخليفة بل قامت شاحنة شركة الألبان طارة بتوزيع علب كرملي فتحولت ساحة المسجد الى مزبلة وتراكض الكبار قبل الصغار وتدافع الناس كما في رجم الجمرات يوم النحر !!!

  27. محمد ابو مخ | باقه وافتخر

    اولا . لا اقبل باي عمل او تصرف غير مؤدب يقوم به اي واحد . ثانيا يا اخ جهاد تتحدث وكان اهل باقه عامه يؤيدون ويسمحون بما قام به قلة لا تمثل الا نفسها !!! الا يوجد كهؤلاء مثلا في جت وفي كل بلد ؟ لك ان تنتقد بما قام به الاشخاص . ولكن ان تلوم بلد كباقه السلام بعمل قام به قله ؟؟ انت تعلم تصرفات اهل باقه بشكل عام . فنحن اهل الخير والترحيب بالضيف من شيمنا ! توجه سؤالك وكاننا نسمح ونوافق على ما قام به قله !! كيف لك بذالك ؟؟ قبل ان تنتقد الغير افحص ماذا يوجد في البيت !!!!

    • منال عنبوسي |

      اخي محمد يبدو انك لم تتمعن بما قاله الاخ جهاد
      هو يقول ان تصرف مثل هؤلاء الصبية يؤثر على سمعة البلد ولم يقل ان البلد ليست جيدة
      بل وقال انه احضر الباصات الى باقة لانه يحبها

  28. ابن باقه - | باقه

    السلام عليكم ،
    لا اريد ان اخوض بمصداقيه الامر ،ولكن هناك جهات امن تملا البلد وتعتز ،وما خلوا احد من شرهم “مخالفات وملاحقات”،اي هم ،اي المال الذي انفق على تجهيزهم سيارات ومعاشات و”لبسه بوليس”،وسلاح متحاليين فيه ،هم السؤولين المباشرين عن ما يحصل ،اطول لشعار يأخذ ٥ دقائق ليصلوا اليه حتى لو كانوا في آخر البلد.
    فشل منهم ،ومن المسؤولين عنهم .
    نعم انهم مشغوليين في ترتيب حفله الرئيس واعوانه الذين يدعون تنظيف الشارع ،ويتاجروا باولادنا الذين يدعون انهم يربوهم على النظافه وبالاخر كلهم هناك “قريطه”
    لبسوا اللباس الموحد واجوا عاملين حالهم بنظفوا ،ومعاشاتهم شغاله بالبلديه على حساب اهل البلد ،”لا تزعلوا معاشات دسمه ”
    عوده للشرطه التي تقوم بحراستهم ،وتهمل في الوقت نفسه احداث اخرى،كلوا مظاهر كذابه.اقول اكثر من هيك عربده من القائد وعربده من الموظف.

    • غير معروف |

      الامر صادق 100% انا بنت من اللد ومن المدرسة ونا كنت بالباص ايلي القو عليه الحجار وكمان كنت جمب الشباك ايلي نكسر وهاد ايشي بخزي للاسف من شباب المفروض انهم واعيين

    • ابن باقة الحر | باقة

      كلام دقيق وفي الصميم … في عند الرئيس جهاز كامل من الحراس والشرطة التي تحافظ عليه … يجب أن يحافظوا على باقة لا على رئيسها!!!!

    • غير معروف |

      لا تعيب غيرك والعيوب عندكم في كل بلد في كل الاشكال واللبس كان محترم عنا المعلمين كتير بشددو عاللبس هاد اسمو وقاحة من عندكم

    • מיסא |

      וללה מעק חקק ובעדיןן באיי בלד פי היק נוע מן לשבאב

  29. ابو عمر | باقه الغربيه

    وا اسفا على هيك بلد
    باقه كانت رمز العفه والامانه
    لكن المرض تفشى في الكثير من هاذا الجيل
    الزلام غابت طلعت الخفافيش
    بوعدكم انها مش مطولي

  30. مطلع على الاحداث | باقة

    والله الامر صحيح 100% !!! بالأمس كنت شاهدا على هذه الأحداث ورأيت بأم عيني الزعران ***** الي بتلهث وكأنهم عمرهم ما شافوا بنت مدرسة!! والله مسخرة !!!

  31. انا | باقه

    اه والله معاك حك اشي بغزي وان المسؤلين عن الامن في باقه العزيزه باقه مستوها اكبر من هيك يا شباب وكل واحد منكوم عندو خوات استحو على حالكم

    • غير معروف |

      المستحيل صار بالامس ونا كنت بالرحلة ومن اول موصلنا المطعم بلشو يجو شباب باقة ايلي مستحيل يسوو هيك

  32. رامي الازعر |

    حبيبي هاذ الموجود مش عاجبك تجيش على باقة بدنا نتزعرن بدنا نعمل الي بدنا اياه
    ثاني اشي لو البنات بكيناش لابسات لبس بخزي كان احنا ما قربنا عليهين

    • غير معروف |

      الي مش مربى بظل مش مربى لو مرقت جمبوا وحده لابسه نقاب بتوقحن

    • مش مهم | ...

      مرحبا اخينا ,,, مش مهم مين انا المهم انا من هاي الدنيا اول شي بدي احكيلك مش حلوه منك انك تروح تعاكس بنات الناس وما بتحب حدا يعاكس اختك او امك او بنتك او مرتك او أي بنت من قرايبك اذا بتحب حدا يعاكس اختك ويزتلها حكي هاض حال تاني .
      تاني شي بالنسبه للبس اذا لبسها بخليك تعاكسها فمن المفروض انك تكون شب شهم وما تطلع عليها بالمره بالعكس تف عليها عشان تعرف حالها انها غلطانه .
      ثالث شي متخليش الشيطان يلعب براسك عشان لبس بنت مش محترم وبالعكس لازم تكون اوعى من هيك وتبينلها انها كلها على بعضها بتساوش كندره رغم اني بنت الي بتحكي معك بس انا مش ضد حدا لا شب ولا بنت بس من المفروض هاض الصح وشكرا الك :)

    • رد لرامي الازعر |

      اولا مش حقك تتعرض لأي بنت بالعالم بدون علاقه للبسها ، لاني متأكد انو مش قرابتك ملائكه وفي الي بلبسوا لبس غير مقبول وكل حدا فينا عندو هيك اقارب .. بتسمح لحدا يتعرضلهن .. بتقبل بنات بلدك او اختك او قرابتك حدا يتعرضلهى وهي برحله ببلد ثاني .. عيب ربك بقبلش بهيك .. لما تشوف لبس مغري ما تعمل اشي احكي الله يهديها وخلص .. وتنساش انو كل بلد الها عاداتها .. ولازم تحترمهم غصب عنك اذا بدك الناس تحترم اقاربك وخواتك واحباءك .. الرسول عليه الصلاه والسلام قال
      لا يؤمن احدكم حتى يحب لاخيه ما يحب لنفسه
      فاذا بدك تكون مؤمن اذا عامل بنات العالم كيف بتحب يعاملوا اخواتك وقرابتك ..
      احنا شباب باقه مش هيك عيب عليك .. احنا بنقول عن حالنا زلام صح ؟؟ من وينتا الزلمي بتحشر ببنات .. لو انك زلمي وعندك شهامه كان دافعت عنهن يا ذكي

    • محمد زياد الشمالي :) |

      امك تعبت عليك علفاضي وين رجولتك وحرارتك وينننننننننن

  33. mjholمش مهم | باقه الغربيه

    ، اذا في أكم بني آدم مش مربى هالإشي ما بعني إنو البلد كلها خربانه وصح إنو التصرفات الي صارت غلط بس لازم نلوم الاشخاص االي عملت هيك مش البلد كلها

    • مش مهم | ...

      في من منو هاض الحكي مش بس فباقه بكل منطقه .. بس الاشي صار يعني مش انو ما صار فباقه وكان مبين اشكرا قدامو يعني مستحيل يكزب عليك وعلى غيرك وان بدو يكزب بكزب عحالو صدقني بس هو احكى هاض الشي عشان ما يصير مره تانيه ولصمح لله تكون اختك او حدا من قرايبك وشكرا الك :)

    • محمد زياد الشمالي :) | الرملة واللد

      مع احترامي الك ولاهل باقة المحترمين فقط للمحترمين فقط….!!!!!!! الحكي هذا في منو 100% وصار مع اولادنا وبناتنا واخواننا واخوتنا فا كل الي بدي احكي الك اخوي انو عيب وخسارة على انو هالشباب تحت شمل العرب والعروبة وا اسفااااا على هيك امة وشكرا :)

  34. محمد | من باقه

    شو مقول يا اخ جهاد واحنا اهل البلد نفسها بنعاني صارت باقه ملاذ للانذال وامثال اهلهم بعدين وين اصحاب المحال بس شاطرين يعيطو بنو شارع٦عشان ما حد يمر من القري وهدف السلطات تحقق عشرات الباصات من الطلاب العرب بمرو يوميا خلي دور الون يربحو