شاركونا بأخباركم! اضغط هنا ...

ساعودوني .. انا حاسه بالندم وبالحيره وخايفه من المستقبل

محرر الخبر: موقع هسا | تاريخ النشر: 10 مارس, 2014 | القسم: قلوب حائرة

فتاه محجبةحزينه

مرحبا كيفكو شياب وصبايا انا بنت من الشمال بحب تساعدوني تنصحوني اي اشي المهم اتريح من اي حدا يساعدني

انا بنت متحجبه والحمدلله رب العالمين

مشكلتي هي اني كان عندي فيس بوك بالزمنات كانو يبعثولي شباب يحكو معي وانا اتجاوب معهن ومكنش الفيس باسمي طبعا كنت يومها بصف لحادي عشر صارت معي مشكله كبيره والحمدلله ربنا سترني وسكرتو الفيس وعملت واحد ثاني باسمي فش في غير قرايبي

واسا من جديد سويت تانچو حكيت مع شباب كمان بس هيك اني ما اعطيتهن مجال بس انا حاسه بالندم وبالحيره وخايفه من المستقبل ولحد اسا ما تقدملي حدا انا عمري ١٩ وخايف انو هادا الاشي عقاب من ربنا والله انا نيتي صافيه ومرة تقدملي شاي عمرو ٢٠ بس ما لايمني وبتمنى تساعدوني عنجد لاني خايفه .

ملاحظة : موقع هسا يقوم بنشر الرسائل كما وردت على يد اصحابها وهو غير مسؤول عن اي اخطاء املائية .

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.

التعليقات (37)

  1. محمد العجوري | الاردن

    مرحباااا للجميع ….. انا بالصدفة دخلت على هاد الموقع وما بعرف هاي الصورة جديدة ولا قديمة بس عنجد احنا يا العرب ما بنصير …. يعني الاخت طالبة مساعدة … بس للاسف انت ما ساعتوها انت احبطوها جرحتوها ….. عن جد مو اسلوب…. هي قالت اني حكيت مع شباب … طبعا كتابة من سمع صوتها وللاسف ما بعثت لحدا صورتها وهي بوضع غير لابق صح …. وين المشكلة ….. هي كلمة وحدة بتنحكا …. كل انسان بغلط … ورحمة الله ومغفرتو كبيرة جدا …. يعنيالمفروضزقلتولها استغفري الله غير هيك لا ……… وهذا يلي اسمو رابح وتالين ومدري مين خلو مكان للمهاوشه ….. عنجد يعني شي مضحك ….. طبعا الاخت يلي طلبت المساعدة ماتت من الندم لانها شافت هيك رد وهيك بهادل اضعاف ما ندمت عن الشي يلي عملتو…… وشكرا للجميع احتراماتي…. ابن الاردن

  2. دلع |

    يا جماعه الصبيه طلبت مساعده مش طلبت حدا يجرح فيها وبعدين الي بتعقب عشان بنات باقه ما هن الي جابو الفضايح خيتا مش حدا تاني اول ڤيديو نشرو للصبيه طلعت من باقه

  3. اخ في الله | باقه الغربيه

    اختي في الله لا تنسي اننا من امه سيدنا محمد صلى الله عليه وسلم ..يا اختي العزيزه الغاليه هذا الشئ مش مناسب النا المسلمين لا تانجو ولا غيرو ..والله ما عملوا هذا الشئ إلا لخراب بناتنا الشريفات يا اختي ..اعلمي ان الله يرانا ويسمعنا ويراقبنا ويحاسبنا ..قالت عائشه رضي الله عنها خير النساء التي لا ترى الرجال ..ولا يراها الرجال ..هذه ام المؤمنين وهذه قدوتك …ووفقك الله يا اختي

  4. غير معروف |

    اذا انتي ندماني ليش بترجعي للغلط وحكيتي مع شباب شو استفدتي تسلاية اتقي اللة بنفسك وكوني صادقة مع الله من كان مع الله الله كان معو ومن بعد عن الله الله بعد عنو اتقوووو الله يا ناس واستغفرو

  5. אנא |

    קולקום חצ’י פאד’י
    אסמעי לא צריך תתד’איקי מדאמק בדק תוקפי לע’לט אז ארתאחי ותסתעג’ליש עלא עריס אכרתו ביג’י ואלי בדוש איאקי לאנו בזמנאת בקא ענדיק תאנגו וילה פיס והסה בטלתי אז הו בסתאהלקיש עזבי דשרץ’ שו בכרפו ;)!

  6. صاحبة المشكلة |

    ليش اني اكون من الشمال وانكر اني من المثلث وكيف تني ما اعرفو هادا الموقع وبعدين للي التفلسف الزايد انا طلبت مساعده مطلباش تعارف ومنين

  7. املي بالحياه | باقه الغربيه |

    ليش قررت انها من باقه شكلها من معارفك ميشان هيك شاكيك انها من باقه بلكي من كفر قرع ميسر او من هيك مناطق مالكم ع بنات باقه

  8. تالين |

    هي سمعت وهي حرة ايش تكتب وايش تقول

    ومش بالضرورة تقصد بنات شمال او غيره هى ما حبت تحكى من وين هي هاى كل القصه

    تعمليش منها قصه وعلامه استفهام

  9. صاحبة المشكلة |

    شكرا لكل الصبايا بس والله انا محترمه وعارفه حالي انا طلبت مساعدة وتراجعت وشكرا اللك تالين ً
    والاخ رابح الله يسامحك عن طريقت تفكيرك هاي

  10. تالين |

    اخ رابح

    شو هاللغه هاى انت وين عايش

    ومين اعطاك الحق تبهدل بنات الناس

    البنت طالبه مساعده وندمانه

    عندك شي مفيد احكيه ما عندك يا ريت ما تعقب

    الحكى موجه الك ولكل اللى بستنو برصه ليستقوو على غيرهم

  11. رابح |

    يقطع كل البنات الي مثلك موطيات روس اهلهن ما بيجي من وراكن غير المقت والدمار والفضايح مش عيب عليكن بتحكين مع شباب وكمان تانجو وصور وفيديو وين وصلتو

    • لانا سمير | مصر و سوريا

      انت ما الك اي دعوة بكل الصبايا انت صبي

  12. وحدة | باقة

    اولا الى ماريو انت اول اشي تفهمش اانو هذا مش جواب لوحدة طالبة المساعدة

    الى الاخت صاحبة المشكلة نصيحة مني اتركي التانغو لانو مش كويس للبنات اساليني
    لانو كان عندي تانغو ومرة من الايام ضفت صورة وصار شباب يضيفوني وبدهم يحكو
    معي كنت خايفي انو احكي بعدها جربت احكي مع شب لما حكيت حسيت انهم بس بتسلو
    بعدها محيت التانغو قبل ما حدا يعرف وانت اختي لا تخافي اسمعي مني وامحي التانغو
    وبالنسبة للفيس خلي بس ما ضيفي حدا انت ما تعرفي بس اقربائك وصديقاتك الي انتي
    توثقي فيهن وبالنسبة للعريس انت بعدك صغيرة والعمر قدامك وانشاء الله يرزقك ابن الحلال
    الي يفرحك وهاي لحد اليوم ما اجى نصيبي واخطب ع
    وانا عمري 26سنة وراضية بحكمى ربنا ومتوكل على ربنا وانتي توكي على ربنا
    وحمدي الله وادعي انو ربنا يرزقك ابن الحلال

  13. تالين |

    طيب خيتو اﻻنسان بتعلم من اغﻻطه ما فيها شي

    كلنا منغلط وكويس انك عارفه انه هاى الطريق غلط وبتغضب ربنا

    مفش مانع تستعملى الفيس لكن استعمليه بالشكل الصحيح يعنى ﻻ تضيفى

    وﻻ تحكى مع حدا مجهول واﻻشي اللي بتشوفيه غلط احذفيه عطول ما تخليه عندك

    وانشاء الله ما بصير اﻻ كل خير

  14. صاحبة المشكلة |

    انا بالنسبه اللي انها مشكله كبيره لاني انا بعمري ماكنت حابه اني راح اوصل لهون وانا بخاف من الله كتير وندمانه كثير كثير وبطلب من الله يغفرلي وانا مس حابه هاض الاشي من الاساس يصير بس زلة شيطان
    وانا بدي اتعلم نشالله وما افكر بهاض الحرام وقصت الفيس انساها وشكراً للجميع

  15. احمد | ام الفحم

    هاي مشكله ؟؟؟ ربنا يسامحك ما في عندك أي مشكله غير انك عمياء اسف ع الكلمه بس المشكله انو احنا بنخاف من الناس وحكي الناس اكتر من مخافه ربنا استعملي الفيس وكل شي بس المهم كيف وبشو ولشو ربنا معاكي والله يستر ع الجميع

  16. املي بالحياه | باقه الغربيه

    مكشلتك تافهه كتير وحيات الله مشكلتك حوطيها عند باقي المشاكل بتشوفيها تافهه لو محلك بسميهاش مشكلي الحياه طويله قدامك رح تشوفي اشياء كتيري بحياتك

  17. ماريو |

    وانو الي بدو يتزوج وحده مصاحبي شباب وبتحكي معاهم بالفيسبوك وبالتانجو بستخفيش بجيكي واحد زيك مصاحب خمسين بنت قبلك وبتتزوجو وبتخلفو ابن شارع وتحملوني حكي صعب امن هاي الواقع بدكو اتصاحبو وتطلعو وتعملو حالكم بتغلطوش
    شي مش معقول

  18. ساره | زيمر

    برايي انك شوي مزوتيها,,يعني ما بدها هلقد,بعدين شب عمرو 20سنه تقدملك وانتي عمرك 19 معقول؟!!!شوفي اذا كتير مضايقه امسحي التانجو وما تحكي مع شباب عادي حلها سهل وقصة ان عمرك19 وما اتقدملك حدا هاي مش مشكله فيي بنات اكبر منك وما تقدملهن حدا لسا هاد كله بتبع النصيب,,استهدي بالله وما تخافي والله يقدملك لفي الخير وانشالله بتجوزي عن قريب وبنفرح فيكي

    • صاحبة المشكلة |

      آسفه الشب اللي تقملي عمرو ٣٠ مش ٢٠

  19. تالين |

    مالوش علاقه استعمالك للتانجو والفيس بالخطبه

    اوا شي انتى لساتك صغيرة مش فايت عليكى قطار الجيزة

    المهم انك تهتمتى اكتر بدراستك وتكونى شخصيتك في الحياه

    واتركك من الفيس وغيره هدا كلو مضيعه للوقت وما تحكى مع شباب ولا تضيفى اي حدا غريب

    او تحكى معه بس اللى بتعرفيهم منيح منيح وواثقه منهم

  20. واحد | باقه

    برايي الشخصي ادا كان عندك فيس ما تقبلي ولا شب ولا تحكي مع ولا شب ولو كان صادق. وحسن السلوك ايضا ما يكون سلوكك مش ملائم.