شاركونا بأخباركم! اضغط هنا ...

قارَبَت على الانتهاء !!! … وانا ما زلت مكاني لا اتقدم

محرر الخبر: موقع هسا | تاريخ النشر: 2 فبراير, 2014 | القسم: قلوب حائرة

sm_users_img-207345

مرحبا بديش اطول عليكو بالسؤال بس عنجد انا محتاجه حدا ينصحني ويساعدني بالنسبه للتست السياقه انا متغلبي في مش عارفه كيف بدي اخذها والله تعبت من فت المصاري ومن الانتظار وكمان بدي اتعلم كل مرة ااجل التعليم
سريت 6 تستات چير وبعدين نقلت على اوتومات سويت تستين اللي بلشو معي اخذوها قبلي واللي اصغر مني وبضل انا افكر فيها ليل نهار وكيف انا سايقه وكل اشي يعني صارت عندي جحيم كابوس يأست منها وتعبت وبعدين بقول بدي اوقف يمكن مش مقدرلي انجح وبضل اهدس والشيطان يوسوس وابصر كيف …. ساعدوني التيؤوريا صارت بدها تخلص اللها معي سنتين وشكراً للجميع ….

ملاحظة : موقع هسا يقوم بنشر الرسائل كما وردت على يد اصحابها وهو غير مسؤول عن اي اخطاء املائية .

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.

التعليقات (8)

  1. وحدة | جت

    انا اخذتها من التست السادس واخذت دوا خذي دوا هرجعا وقرائي قران وصلي ركعتين قبل ما تروحي فش مثل التوكل على الله (عسى ان تكرهوا شيئا وهو خير لكم وعسى ان تحبوا شيا وهو شر لكم ) وان شاء الله رح توخذيها باذن الله .

  2. وحده | باقه الغربيه

    حبيبتي صلي ودعي لربك وانشالله رح تاخذيها اخوي كان متلك وبعد ما صار يصلي والله هدا اخذها الحمدلله اتوكلي على ربك وما في بعد الاتكال على رب العالمين ونشالله بتزفيق

  3. انا |

    الصراحه انا اول تست عندي كنت خايفه وخبصت قمت المره التانيه اخدت دوا هرجعاه من الصيدله كتير خلاني هاديه وبعدين قبل لا تروحي اقري ادعيه وسوره يس وبعدين فش حدا بنجحش ما دامه مزبط انت ركزي منيح مهو كله ربع ساعه اطلعي كل مجهودك ورح تنجحي :) بالتوفيق حبوبة واهم اشي تيأسش فش شباب بوخدها من ال ١٠ ! :)

    • صاحبة المشكلة |

      بس انا حاسي انو مش منيح هاي الحبه
      وكمان حاسي انو ثقتي بنفسي فقدتها لاني كل ما انزل ع تست احس حالي ساقطه طبعاً مع هضاك لمعلم اما بعد ما غيرت ما بعرف شو بدو يسير
      وكمان بدي تساعدوني كيف ارجعع ثقتي بنفسي

    • صاحبة المشكلة |

      انا غيرت المعلم ومكنش هضاك يعني مهتم لطلاب وانا الللي غيرت لعندو هو كثير دقيق بمواعيدو واللو عمر يعلم مش مثل هضاك اللو ثلاث سنين بس

  4. تالين |

    انتى عندك مشكلة خوف ” فوبيا ” يعنى وعدم تركيز

    بنصحك تشوفي بسيخوليخ هوى بس بقدر يساعدك ويطلعلك من الخوف اللى جواتك

    وبهالطريقه بتتغلبي ع الخوف وبتاخديها باذن الله