شاركونا بأخباركم! اضغط هنا ...

انا بين نارين – شخصيتي انعدمت … انصحوني

محرر الخبر: موقع هسا | تاريخ النشر: 23 يوليو, 2013 | القسم: قلوب حائرة

مرحبا انا حابي كتير اكتب مشكلتي لانو مشكلتي بحاجة لنصيحة انا اصلي من شمال مجوزة بالمثلث مشكلتي هي انو مو بس جوزي هو جوزي كمان قرائبه صارو كلهم جوزي ، لانو جوزي اعطاهن وجه يدخلو فيني ، لما اطلع مشوار بحكولي لوين وكلشي بدهن يعرفو عني ، انا زهئت وبدي حل انا بطلت اعطيهن وجه بس كمان على فاضي بصيرو يسمعوني حكي بجرح كتير الحجر ما بتحملو وجوزي كتير بحرجني قدامهن ، جوزي ما بيعاملني كمرتو ، عندو قرايبينو واهلو وبعد انا ، صراحة كتير تعبت وهاد ولا شي كلهن بيعتبروني عدوة الهن بليز ساعدوني شو اعمل وحتى لما احكي لجوزي انو حكولي هيك وهيك بحكيلي بهمش عادي خليهن يحكو وبي!

روح يحكيلهن اني بحكي عليهن ولما التقي فيهن بصيرو يسمعو حكي انا كتير ياساني من جوزي اكتر اشي الي ما عارفي لاسا اوتق فيو ما بيعطيني مجال اشكيلو عنهن انا من يوم اجوزت وانا شخصيتي انعدمت بسببهن كلهن علي انا شو عملتلهم ولهي ضحكتي دايما على وشي والغريب بيحكيلي اديش انت بشوشة بس هني لا يعني معقول في ناس ما بدهم نكون معهم وجه بشوش وانسان مليح علما اني بكره المشاكل وهادية كتيرر انا حابي اسمع رايكم بصراحة وشكرا الكو

ملاحظة: موقع هسا يقوم بنشر الرسائل كما وصلت بيد اصحابها وهو غير مسؤول عن اي اخطاء املائية .

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.

التعليقات (12)

  1. TOTO |

    شو هالنصيب هاد اللى جابك ع هالبلاد الفقريه هاى

    مش لو ضليتك بالشمال احسنلك

    اخرته اسمعى منا خيتو ازا ما عندك اولاد ارجعى لاهلك

    احسن ما تضلك مع عديم الشخصيه التافه هاد

  2. في مثل بقول طنش تعش تنتعش واذا بدك تقهريهم طنشيهم حبيبتي اذا ما في عندك اولاد بنصحك انه ما تكملي اما اذا اولاد فنصيحتي لك اختي هي ديري بالك عليهم وربيهم احسن تربيه لانهم بنفعوك وابعدي عن الجميع بتريحي راسك منهم ومن حكهم

  3. الى التعليق الي اسموا ابو النصائح متخلنيش افطر عليك خليني صايمة كثير بتنصح ومالهم اهل باقه اصلا الناس مش زي بعضها الوحد بسطوتوا حيطوا بكفي مسخره الك يا ابوا النصائح كال اموا بنصح روح بالااول انصح حالك الهم اني صائم

  4. والله في كثير زيوا ولما اتكون الام وبناتها غايورات هيك بصير ولما يفضل قرايبوا على زوجتوا وبيتوصل للضرب بكون عديم شخصيه وحرام العيشي معو وخاصتن لما ما يكون في اولاد اساءلي مجرب من الاخر ومع هيك تصرفات اتركيه احسنلك وعيشي حياتك والله انو ما بستاهليك

  5. بقاوية وافتخر |

    الله يعينك هلى هيك زوج عديم الشخصيه وماشي ورا

    الناس حاولى غيريه بلكى صح وازا ضل متل ما هوى

    الله يعينك على ما بلاكى فيكى تتحملى هيك عيشه ابقى

    معه واتحملى ازا لاء اطلبي الطلاق وارجعى عند اهلك

  6. والله يا عمي وقعتك سوده اهل المثلث وخاصة اهل باقه بتدخلوا في كل صغيره وكبيره ولو ما في شئ يدخلوا فيه بخلقو شئ من تحت الأرض هذا شئ يمتازون به نصيحتي خذي جوزك واسكني في مكان آخر