شاركونا بأخباركم! اضغط هنا ...

انا صبية مخطوبة واشعر انه يخونني ولا اثق به

محرر الخبر: موقع هسا | تاريخ النشر: 30 مارس, 2013 | القسم: قلوب حائرة

السلام عليكم ..

انا صبية مخطوبة من 4 اشهر تقريبا .. بحب خطيبي لدرجة اني لما بكون عندي بفحص بلفونو (رسائل ومحادثات) السبب الي خلاني هيك اني قبل فترة دخلت الفيسبوك الي لحسابه وفحصت رسائل مع بنات كثير كان حكي غزل وحب وغرام ويحكي لوحدة لما اخطب كمان اسبوع بدي اجيب بلفون ثاني احكي معك فيه!!

كثير زعلت منو ووقتها حكتلو اتركني وروح اخطب غيري .. وقتها حكالي انو بحبني وما بغدر يعيش بدوني .!

المهم انا اليوم بوضع سيء من الشك بضل شاكة فيه انو بحكي مع غيري .. وقبل يومين كنا بمشوار انا وهو وامي .. مرقت مجموعة بنات بضحكو وبطلعو على خطيبي قام وقتها ضحك !!

ولما هو ضحك انا تضايقت كثير من موقفي المحرج وحسيت اني عايشة مع انسان خاين ومخادع وبصراحة مش عارفي شو الحل .. لانو صعب اتركو لانها علاقتنا صارت كثير متقربة ..

وبنفس الوقت مش لاقيه حل للي بعملو مع البنات قدامي .. انا بغار من البنات كلهن ان كان خواتي او قرايبو لخطيبي لانو كان بالماضي على علاقة حب مع بنت عمو وهو حكالي وبيتهم قريب لخطيبي .. وهذا كمان سبب يخليني اشك فيه وبحبه لالي ..

وانا كثير بشوف مساعدات ونصائح بموقع هسا وبتمنى تساعدوني بدون سخرية وشكرا..

ملاحظة: موقع هسا يقوم بنشر الرسائل كما وصلت بيد اصحابها وهو غير مسؤول عن اي اخطاء املائية في زاوية قلوب حائرة.

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.

التعليقات (12)

  1. انا حسب شو فهمت من قصتك..الأفضل من هسا تتركو بعض لأنو اليوم خاطبة وهيك بصير..كيف لما تتجوزي..لو بتعبدو بعض عل فاضي لما يصير خيانة المرة الأولى .. فتوقعي تكون تانية..!

  2. בנסחק אקטעי אלשק בליקין וקבל מא תדשריה אעמלילו אחתבאר חאולי תבעתילו הודעות מן טלפון תאני או וחדה מן סאחבאתק תחאול אנהא תעמל עלאקה מעו אדא תגאוב פבקון חאין ומא בסתחק תקתק ולחל אנק תבעדי ענו ותעישי חיאתק מע אנסאן יקדרק

  3. غير معروف |

    اذا هسا وبعمل فیکی هیک وبخونک مش مضطره تعطی مبررات.وتقولی بعشش بدونه وبحبه هذا حکی غلط بکره من.الی رایح یعمله فیکی بتکرهی وبتکرهی حالک.فنصیخه اترکی وتتأسفیش علیه لانه خاین وخلی یوخذ وحده زیوا بکرا بتدمری بسببه

  4. .. |

    حبيبتي
    وهاي واللهِ لو بحبك وبدو اياكي ما بطلع ع غيرك وما بحكي مع غيرك!
    وفش حب وشك بنفس الوقت!
    لحقي حالك وتعيشيش حالك بوهم !
    اتركي احسنلك لانو الوفي لما ينخان بتضايق كتير

  5. ساره |

    اسمعي يا اختي انا متزوجه لما كان خاطبني كان امعيشني بجنه لاكن بس اتزوجنا بين على حقيقتو او هو اعيونو زايغه او كل يوم بتمنا الموت لاني مش قادري اثق فيه من جديد او صار بينا اولاد فصعب جدا اني افكر بالطلاق من شان اولادي انا بنصحك انتي بعدك على البر الف واحد بتمناكي صدقيني اصعب شي في الدنيا الخيانه او خصوصا اذا انت كنت وفيه معو بتمنالك حياه سعيده

  6. بس هيك قرف يقرفهم بتقولي انوا قراب صرتوا بكرا بتصيروا لما تتجوزوا قراب قراب وبصعب الاشي اكتر بكتير اعلافي شو تعملي من هسا دشري مالك مسخره انت معوا وبضحك مع غيرك كمان امك معكووم شو هادددد يا ربيييييي اسمعي مني اتركييي وبتمنالك حياه منيحه

  7. أولا بدون تفكير إذا هسا يخونك بكره حياتك كلها بتكون خيانه ومشاكل الي فيه هاي عادة الخيانة مستحيل يتركها أنا مره كنت هيك من اول ما شكيت انه بخوني بدون تفكير تركته صار يتأسف ويرسل وسطات وناس وأنا ما سامحته وأنا اليوم حبيت أحلى رجل في العالم ومن قلبي في ثقه فيه اول شيء واهم من الحب كانت ثقتنا في بعض والحمد لله متزوجة وعايشه بالجنة برجع وبقوله الحب موجود بس الصقه اهم شيء اتركيه فكري بعقلك مش بقلبك وبستاهلش تدخلي في حاله نفسيه مشان واحد بستاهلش

  8. خطيبك عيونه زايغه ع البنات ، وما بعتق بنت شكلو

    رح تعانى الامرين معه ورح يضل الشك مسيطر عليكى

    وتصرفاته ما بتطمن لهيك ازا الحكى مش نافع معه

    اتركيه بدون ما تتاسفى عليه بيجيكى احسن منه الدنيا

    ما وقفت عليه