شاركونا بأخباركم! اضغط هنا ...

ماسكات طبيعية لعلاج الهالات السوداء وانتفاخ العيون

محرر الخبر: موقع هسا | تاريخ النشر: 9 فبراير, 2013 | القسم: صحة وتغذية

النعناع لعلاج انتفاخ العينين والهالات السوداء

المقادير:
2 ملعقة كبيرة أوراق نعناع أخضر مفرومة
ملعقة كبيرة خيار مبشور

الطريقة:
اخلطي النعناع مع الخيار، واعملي كمّادات من الخليط ده على منطقة العيون كلها، وسيبيه لمدة ربع ساعة مع تغيير الكمادة مرة كل 5 دقايق، وبعد كده امسحي المنطقة دي بقطنة مبللة بمية الورد؛ لأن أنا مش بافضل إنك تغسلي وشك بالميه بعد الماسك ده مباشرة علشان تقدري تستفيدي منه بشكل أكبر، لكن لو هتتعرّضي للبخار في المطبخ أو هتخرجي يبقى الأفضل إنك تشطفي بشرتك بالميه، وممكن تعملي الماسك ده من مرتين لثلاث مرات في اليوم.

الجزر للبشرة الحسّاسة
المقادير:
ثمرة جزر صغيرة (أحمر أو برتقالي)
½ كوب ماء

الطريقة:
قطّعي الجزر واسلقيه مع الميه على النار، وبعد كده اضربيهم مع بعض في الخلاط بعد ما الجزر يستوي تماما، وبعد كده ممكن تحتفظي بالخليط ده في زجاجة برفان قديمة وترشّي منه على بشرتك الصبح وبالليل، والماسك ده بيدّي نضارة للبشرة، وبيعمل على إزالة التجاعيد الصغيرة اللي بتظهر على المنطقة حول العين، وهو مفيد جدا للبشرة الجافة والحسّاسة.
تقدري كمان تخلطي بيوريه الجزر (نفس المكوّنات بس بتقللي كمية الميه شوية علشان الخليط يبقى سميك شوية) مع نصف ملعقة كبيرة زبادي، وتحطّي الخليط ده على منطقة العيون، وممكن تكرّريه مرة كل يوم.

البرتقال والزبادي لبشرة مشرقة
المقادير:
1½ ملعقة كبيرة دقيق
2 ملعقة كبيرة زبادي
عصير ½ برتقالة كبيرة

الطريقة:
اخلطي الزبادي مع الدقيق وعصير البرتقال، وقلّبيهم مع بعض كويس لغاية ما تحصلي على عجينة ليّنة، والماسك ده ممكن تعملي منه كمية كبيرة شوية وتحتفظي به في الثلاجة وتستخدمي منه يوميا على بشرة وشك، ولو كانت بشرتك دهنية ممكن تضيفي معاه ملعقة صغيرة عصير ليمون، ولو بشرتك جافة ممكن تضيفي معاه زيت لوز حلو، أو زيت جوجوبا أو زيت جنين القمح لو كانت بشرتك متقدّمة في العمر شوية، وبتشطفي بشرتك بعد كده بالميه العادية.
والماسك ده ممكن نستخدمه على منطقة العيون وبشرة الوش بالكامل وعلى الجسم كله، ومع المواظبة عليه هيساعدك في تغذية بشرتك ونضارتها ولمعانها.

تنويه: تعليقات الزوار الكرام المنشورة تعبر عن رأي اصحابها فقط ولا تعبر عن رأي موقع هسا بتاتاً.
يرجى الحفاظ على مستوى المشاركه في التعليقات وعدم تعدي الحدود او المس باشخاص او التعليق بما ليس له علاقة بالموضوع المنشور.

أضف تعليقاً

لن يتم نشر عنوان بريدك الإلكتروني.